لـــلـــرجــــــال ( المهملين ) فـــقـــط !!!

02-05-2007, 11:00 AM

عضو دائم

تاريخ التسجيل: May 2007

المشاركات: 55

لـــلـــرجــــــال ( المهملين ) فـــقـــط !!!

أسعد الله أوقاتكم بكل خير

بصراحة مسكينة هالزوجة !!

دائماً نقرأ بالمنتديات الخاصة عن الزواج أو حتى هذا مايدار ويقال خارج المنتديات :

( غيري من مظهرك ) لا تكرهين زوجك فيك !!

( ريحة الطبخ ) أنتبهي لا يلاقيها فيك واللا ترى بينفر منك !!

وغيرها وغيرها من النصائح توجه ( بالأغلب ) للزوجة فقط !!

بصراحة أنا أشوف أن غالبية الزوجات وخصوصاً بالوقت الحالي أهتموا بمظهرهم وشكلم ولكن الرجال ( مكانك سر) إلاّ من رحم الله !!

يطالب زوجته بالرائحة الطيبة وأهو أسنانة من صفارها كأنها سيارة بنور أصفر تعميك

لا ويزيد الطين بلّة وتلاقيه رجل مدخن ومع ذلك مقاااااااطع لفرشة الأسنان

مادري ايش عذره !!!

يجوز فرشاة الأسنان دنماركية !!

طيب يا أخي مسواك ترى والله سنّه !!!

وبعضهم يتضاااااايق لو يشوف شئ زائد بجسم زوجته يعني ( كرشة ) مثلاً أو غيره وأهو ماشالله حوله كأنه حرمه حامل بالشهر الـ 6 :14:

وبعدين تلاقيه مايعرف يلبس بالبيت غير حاجتين !!!

1/ جلاّبية البيت اللي بـ 15 ريال من المحل اللي مسوي تخفيض !!

ومن كثرة الغسيل تقول فيها ( عنقز ) من الحبوب

2/ الشئ الثاني إذا حب يسوي إغراء ( توم كروز) زمانه يعني ، شال الجلابية وجلس ( بسروال) السنّة

ويطالب زوجته بأنها تلبس له أحلى الألباس ويتدخل في لبسها حتى بالألوان !!!

وبعضهم شعر راسه طااااااير فوق وصاير ( كشّه ) وشنبه داخل مع لحيته ولـــكن لو قالوا له عندك إجتماع مع مديرك أو عندك مقابلة شخصية أنقلبت الآية ونظف نفسه وهندم حالة وتشيّك على الآخر وراح لأحلى صالون حلاقة وطلب منه آخر شكل من ( السكسوكه ) !!!

يا أحباااااااااااابي الرجال ترى الزوجة ( المسكينة ) لها عليك حق !!!

مثل ما أنت تبيها بأحلى وابهى شكل ومظهر فوالله من حقها ذلك ...

ومثل ما يقال ( الدنيا أخذ وعطى )

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 03:41 AM.

روابط سريعه