لا تقولون مهر عالي,,,, قولو أشباه رجال,,, وتعالو اسمعوني...
بسم الله الرحمن الرحيم
قدر الله علي وتزوجت ولد عائلة مــــــــــعروفة وغنية
كنت وقتها هبله,,, وما تشرطت ولا تطلبت لاني كنت اعتقد ان المهم هو الحياة الزوجية بعد الزواج
لاحددت مهر,,,ولا شبكة ولا مؤخر..... هو جاب من نفسة مهر يساوي عندة هلل مقابل لثروة الي يمتلكها
علشان كذا ماكان لي ذيك القيمة بعد الزواج
وابشركم ...طلع من اشباه الرجال,,,الي من براء هالله الله ومن جواء يعلم الله..سبحانة
وطبعا ماتحملت الحياة الي هو عايشها نفاق ... وبلاوي...استغفر الله
الحمدلله تطلقت..... وبعد طلاقي ماشاءالله العرسان يجوني... لكن سبحان الله,,, مايتم اي شي
لابد تتفركش الخطوبة,,,,, او يطلع فية عيب العريس
ومشكلتي إني ما ابي اسكن في مدينتي,,ابي الرياض جدة الشرقية...((لا احد يعترض على رغبتي هذي بلردود رجاااااااااااااااااااااااااااء)) كل واحد ينام على الجنب الي يريحة
دايما الجى لله عز وجل وماني يائسة من رحمته بلعكس ثقتي بلله كبيرة
بس..... انا متظايقة من وظعي ...الي يجوني كثير بس... فية شي غريب يصير
مايتم الموضوع,,, قبل اسبوع تمت خطوبتي على شخص فية كل المواصفات الي اتمناها
واخلاقة عالية,,, ومن الرياض ومن اكبر عوائلها
وافق على كل شروطي ((لاني اخذت درس من تجربتي السابقة)) بنات تشرطو المهم لايكون مافية شروط
حطي شروط..ومؤخررررر هو وافق على مؤخر عالي جدا.لانة كان شاريني
بس حصل موقف بسيط... ومالقيت نفسي إلا كرهت الرجال... ورحت لابوي وقلت,,ما ابية
وفكينا الخطبة,,,,,,, السؤال الي يحيرني.... لي سنتين متطلقة
وكثير يتقدمون .... بس مايتم شي.... تتوقعون فيني عين مثل مايقولون لي
تتوقعون راح اضل بدون زواج
تكفون,,,, إذا تعرفون وحدة نفس حالتي,,,,, طمنوني هل فية احد عانا مثلي بعدين تزوج
ادري إن النصيب,,,لسى ماجا..... وادري إن المكتوب راح اشوفة وراح يكون
بس غصب عني تعبت.... عمري يروح وأنا جواتي خوف من الزواج وبنفس الوقت خوف من ان عمري يروح
بس اكبر مشكلة اعاني منها...خوفي من اشباه الرجال
لذلك دايما يكون عندي شك بكل الي يتقدمون .... اجلس احلل شخصيتة
واتمنى ,,, لو فية احد يقدر يسئلة الاسئلة الي ,,ابيها
لان تعرفون لمى يجي للوالد ...الوالد يهمة اخلاق الرجال...
وانا برضة تهمني اخلاق الرجال...بس فية جوانب كثيرة احب اعرفها ......
لذلك قررت أتعامل مع خطابات
علشان يكون فية وسيط....من خلالها اقدر اعرف هذي الجوانب
واهلي عليهم انهم يسئلون عن الرجال...
إيش رئيكم.. بكلامي
التعديل الأخير تم بواسطة غزلان نجد ; 06-05-2007 الساعة 04:54 PM
06-05-2007, 04:51 PM
ضوابط المشاركة
العرض الشجري