مخنوقة
بصراحة مشكلتي انا عملتها بايدي ومو قادرة اتراجع
انا بهاي الفترة مخنوقة وضايق صدري
يعني من الدوام اللي بيخلص الساعة 4 الى البيت الى التدريس والطبخ وووو ودراسة جوزي وامتحاناته وووو
ومرضة بنتي اسبوع ما بنام
كلها عوامل اني مليييت وفقعت
النا 3 سنين ما طلعنا غيرنا جو
حتى انا نطلع برا البيت نتمشى ما في
اول اشي كنت بتعالج من تاخير الحمل
بعدين حمل بتوام حبسة بالبيت 9 اشهر بس طبعا مداومة ما ريحت ولا يوم
بعدين ولادة
بعدين دراسة زوجي دراسات عليا
كلها وانا بالبيت
والله متت
ولما بدي اعبر اني متضايقة
جوزي الحساس بيزعل وبياخد على خاطره
بطلت استمتع باشي
حتى الزيارة لاهلي مو ممتعة
واللي حاز بنفسي انو في مليون شغلة معلقة جوزي مو فاضي يعملها
البحث عن مدرسة جديدة لبنتي وتسجيلها
العمل على ترتيب البيت لانو غرفة بنتي بطلت توسع لثلاثة اطفال وغرفة المعيشة اللي بنقضي في السويعات القليلة من يومنا صارت كلها العاي وعربايات وعربايات مشي يعني باختصار الواحد بيفضل يروح ينام على القعدة بهيك جو
تصليحات بالبيت هاي انسو كل اشي بدو تصليح
مراجعه لعند الدكتور لاني بصراحة طالعلي حبوب على جسمي بطريقة غريبة جدا
وطبعا كل هاي الامور بتضغط على نفسيتي وجوزي مو عاملها
طبعا اهم اشي انو الامور اللي بيطلبوها اهله بتتنفذ بسرعة
يعني طلبوا انو يعمللهم الحديقة ( جاب مهندس زراعي واشجار واشجار زينة وحوليات ورورد ) طبعا كلفتنا ربع الراتب وهموا ما سالوا كم كلفت !! المهم انو الاي طلبوه يكون على اكمل وجه ومو مهم انو احنا مضغوطين ماديا مع التوأم ولوازمهم
المشكلة انو جوزي مسافر بعد يومين وانا مو قادرة اكون طبيعية روحي بدها تطلع وهو مو سائل ولا حاول يغير جونا خصوصا انو مسافر وانا رايحة انضغط بزيادة يعنى رايحة اتغلب بالمواصلات وبالتدريس وووووووووو
حتى كلمة انو مقصلر معنا ما طلعت منو وفوق هيك زعلان ليش انا زعلانة
شو اسوي مو هاين علي انو يسافر واحنا زعلانين وبرضو مو هاين علي انو اعيش مع زوج ما بيهتم بمشاعر زوجته