<<<<<<<<<<<<<<أختصرت علي كلام طويل أبي أقوله



أزيد على كلام الأخ (جميل والقلب يعش)


أختي أولا أحمدي ربك إنكي وصلتي معه إلى هالحد بس

ترا غيركي ترفض الخطاب علشان غلطة غلطتها أو علشانها استجابت لتهديد شاب


إحمدي ربك إن الله نجاك منه <<<<<<<<<<<< وترا مهو كل مرة تسلم الجرة


المهم


أنا قد تعاونت مع رجال الهيئة ، ومن خلال القضايا اللي نشوفها ، صارت عندي بعض الخبرة القليلة


تدرين إن رجال الهيئة إذا مسكو بنت وثبتت عليها القضية تدرين إن ما يعرف إسمها إلا إثنين بس ، والباقين كلهم ما يعرفون إسمها
حتى اللي يعرفون إسمها ، ما يقولون لأحد ثاني أبد من باب الستر على بنات خلق الله ، طبعا هذا إذا كتبوا عليها محضر ولا في الغالب إنهم يسترون عليها ولا يكتبونها أي شي ولا حتى يعرفون إسمها( فمن باب أولى يسترون على إللي تتصل بالتلفون وتكون تايبة)

تدرين إن رجال الهئية أكره ما يشوفون هم هالشباب اللي يلعبون بقلوب بنات المسلملت ، وبنفس الوقت رجال الهئية يدرون في الغالب إن البنت مسكينة (ملعوب عليها) لأن البنات عاطفيات بزود
فلذلك دائما هم بصف المرأة (إلا إذا اتضح إن المرأة خبيثة ففي هذه الحالة يحلونها إلى سجن النساء)


باختصار :

إنتي لو تدقين على أحد مراكز الهيئة ، وتبلغينهم عن قصتك ، تراهم راح يفزعون لك ولا يطلبون أسمك أبد
وترا رجال الهيئة مرت عليهم قصص أعظم من قصتك بكثييييييير(يعني الشاب معه مقاطع فيديو ومسجات ورسايل وفضايح ) ، ومع كذا استطاعوا أن يقبضوا على الشاب اللي يهدد الفتاة ، وغير كذا كتبوه تعهد إن إذا تكرر هالفعل مرة ثانية إنهم يسجنونه 5 سنوات وإنه يغرم وإنه يفصل من عمله ، كل هالكلام يوقع عليه هالشاب طبعا بعد ما ياخذون بياناته الكاملة ، ويبصمونه ، وفوق كذا يهددونه بتهديد يخليه يقول في نفسه (ليتني ما سويت هالحركة) وغير كذا يتبهذل بهذلة ما بعدها بهذلة ،فزي ما تقولين ، هالتهديد ينقلب ضده


فنصيحة أخ لك :

إنك تكلمين أقرب فرع وتخبرينهم بالسالفة ، وازهلي الموضوع


وإذا ما أقتنعتي بكلامي ، جربي تدقين على أحد المراكز وتتأكدين منهم



وإذا تبين أي سؤال تراي حاظر (لأن أكره ما أكره هالشباب اللي يهددون البنات ، ودي أطحنهم طحن)






بالتوفيق

(لاتنسين تطلبن العون من الله)


وحطي في بالك (الله ما فضحك وإنتي تعصينه ، تتوقعين إنه بيفضحك وإنتي تايبة...أبدا)

__________________