السلام عليكم ورحمة الله
اتمنى انكم تساعدوني وتقرءوا مشكلتي
انا عمري 19 سنه عايشه مع ماما واخواتي لكن انا مشكلتي مع بابا لأنه بعيد عني انا عايشه داخل المملكه وهو عايش خارج المملكه وماشفته من 11سنه ]وانا دحين أبغى أتزوج لكن بابا رافض يزوجني بدون مايقولي اي سبب مقنع انا خطبني رجال من قبل سنه ونص وأنا وافقت عليه وماما كمان وافقت عليه لكن بابا كان رافض وماما كان رأيها انها تصيرلي شوفه شرعيه بدون مايعرف بابا علشان اذا عجبني الخاطب نتكلم مع بابا اما اذا ماعجبني خلاص كل مين يروح في حاله صارت شوفتي الشرعيه وشفته وعجبني وهو كمان انا عجبته ودحين جاء دور بابا كلمو وخطبوني منه كان رافض تماما بعد كده ماما كان رأيها اني اتكلم معاه علشان يتعلق فيا ويصير يحبني ويرضى ينتظر موافقة بابا وهو هذا اللي صار والان انا كملت اكثر من سنه وانا اتكلم معاه واحبه ويحبني وبابا مصمم على رأيه مع انه عرف اني بأتكلم معاه لكن بابا مايهمه اي شي المهم انه يفرض رأيه من جد بابا مره قوي وظالم مافي أحد يقدر عليه الا الله كل العيله تخاف منه وتعمله ألف حساب حاولنا كلنا نقنع في بابا لكن مافي فايده انا وماما وعمي وخالي كلنا اتكلمنا معاه لكن كان كلامه انه يبغى واحد غني جدا حتى لو كان مايصلي او حتى لو كان يسكر ولا مايخاف الله هذا كله عادي عنده المهم يكون غني وبس لمن بابا يتكلم معايا ويقولي هذه الاسباب كيف يبغاني اقتنع والان اخر كلام بابا روحي اتزوجي عن طريق المحكمه يقولي كده لانه عارف اني ماأقدر اعمل كده لانه هو اللي يصرف على ماما واخواتي لو انا عملت كده مافي احد يعطي ماما فلوس غيره والان ماما بعدت نفسها تماما ورافضه تساعدني وبابا مافي امل منه يقولي انتي منتي بنتي ولا أعرفك ليش هذا كله لاني طلبت شرع ربنا وانا دحين مهدده من خطيبي اما اني اجيب موافقة بابا او اننا حنترك بعض وانا ماأبغى اخسر خطيبي لأنه انسان يخاف الله ومحترم وطيب جدا بس ايش الحل مافي احد يساعدني انا مؤمنه بالنصيب واكيد نصيبي راح آخده لكن هذا مايمنع اني ابحث عن الحل لاني مني قادره اسكت أكثر من كده انا ابغاكم تساعوني من غير ماتلوموني على أي شي أو تطلبو مني اني ابعد عنه لأني ماأقدر أبعد حاولت قبل كده ومره ماقدرت ابي حل في اسرع وقت لأني قربت انتهي خلاص مني قادرة اعيش حياه طبيعيه ارجوكم ساعدوني شكرا على قرآئتكم لمشكلتي