عزيزتي الله يبعد عنج كل هم وضيق يارب

اختي الغاليه انا كنت مثلج بالضبط اتضايق من اي مشكلة واللي يضايقني اكثر اني مو بإيدي شي

اسويه علشان احل المشكلة...بس لاحظت ان نفسيتي تأثر على زوجي وعيالي والحمد لله ان زوجي

كان مقدر لانه يعرف طبعي...والحين الحمد لله انا وااايد احسن والحلول المتبعة هي:

1- اذا قرأت عن مشكلة كبيره في المنتدى ما ارد وادعي من كل قلبي في الصلاة انها تنحل وارتاح
لان الله قادر على كل شي ونحن ما علينا الا الدعاء.

2- ابتعد عن المنتدى في نهاية الاسبوع واخصصه لزوجي الغالي وعيالي واحاول ما اتناقش مع زوجي
في اي مواضيع المنتدى الا المفيد بعيد عن المشاكل ، او ادخل المنتدى مره في اليوم فقط.

3- احط في بالي دائما ان اي مشكلة مطروحة ما تكون صحيحة 100% لان اللي يطرح المشكلة غالبا
يتكلم عن نفسه ومدى حزنه وضيقه ونحن لا ندري ما هو وضع ورأي الطرف الاخر فما علينا الا النصح
لطالب النصح والدعاء للجميع ، وفي اعضاء الله يهديهم يكتبون مواضيع علشان يغيضون النساء وينرفزونهم
الله يهديهم .

طبقي هذي النقاط عزيزتي وان شاء الله بترتاحين وترا مو كل الازواج مثل بعض والله الغاليه لو اقول لج

عن زوجي بتقولين انه ملاك ما شاء الله وكثير من الرجال مثله واحسن ...

الله يعينج يالغاليه ويحفظكم ويسعدكم يااارب

اختج --- لمني بشوق

__________________