لا ليش ما تبينين له؟ انتي فرحتي وشكرتيه وسويتي اللي عليك..

لكن كان لابد من هذه الوقفه اللي تبين انك تبغينه هو ماتبغين تعويضات ماديه.. هو لازم يفهم ان الماديات والهدايا لا تعوضك عن عدم وجوده لو فرحتي بالهديه وسكتي معناتها انك موافقة على رأيه وان الهدايا تعوضك عن وجوده..

حتى لو امتعض وقتها وزعل.. هو بعدين بيفكر بعقله بيقول هدية قيمتها 4000 ريال ما عوضتها عن سهره معاي صديقيني هو بيفكر بعدين او بيسأل احد وبيفهم انك محتاجه لك اكثر من اي هدية بالدنيا..

يعني تصرفك صحيح ومايحتاج اعتذار ولو فتح معك الموضوع مرة ثانيه قولي هداياك على عيني وراسي وانت اكرم زوج بالدنيا ولا اقدر اعيش بدونك والكل يحسدني عليك.. لكن انا احبك واحتاج اقضي معاك بعض الوقت فما بالك بمناسبه زي هذي نفسي اسهر معك واتكلم معك وانام في حضنك لاني مشتاقه لك واحبك اكثر مما تتخيل والقعده معاك تسوى عندي فلوس الدنيا كلها..

__________________