اسمح لي اخوي تفكيرك بهذا الاسلوب غير عقلاني ..

بالنسبه لتصرف زوج الاخت واضح انه تفكيره ما زال تفكير مراهق ..

خلك اخوي عاقل وتصرف بشكل واعي وزي ما هو اضح لسردك للموضوع انك انسان متزن وناضج ..


ولا تشك فيها ابدا لان الشك بيدمر حياتكم ..وزوج اختها ممكن تلمح له ان حركاته توصلك عن طريق زوجتك وان هالشي ما يعجبك .. اما انك تكبر الموضوع فهذا بيعطي نظره عنك انك مو واثق من نفسك ولا من زوجتك ...


اول شي اعمل على تربية زوجتك من البدايه ..واهم شي توعيها دينيا وبأسلوب خفيف ومحبب للنفس عشان تحب تطبيقه وتاخذه على اساس قناعه وخوف من الله ..

لان زوجتك لسى بنت خام ..يعني خبرتها قليله وتسئ التصرف لجهلها وليس للعناد وهذي نقطه في صالحها ..

اشرح لها الاشياء اللي تحبها واللي تكرهها .. وخلك حازم معاها وحنون بنفس الوقت ,,

حاول تثقفها انت بنفسك ... وعاملها على اساس انها امرأه ناضجه وحملها المسؤوليه وهذي العمليه تحتاج لتدريب ..

انت اذا زرعت بنفسها وعقلها الباطن انها امر\أه متزوجه وناضجه وعاملتها على هالاساس راح تتطور شخصيتها بشكل سريع بأذن الله


امسح من قاموس كلامك كلمة طفله او تفكير طفولي لانها هي تعرف انك تنظر لها هالنظره وعلى هالاساس تتصرف بلامبالاة لانها تعرف انك تعذرها لصغر سنها وطريقة تفكيرها ..

اخوي احنا اطفالنا لما نعاملهم بمسؤوليه ونعاقبهم على غلطاتهم ولو بنظرة غضب يحسون بالمسؤوليه ويحاولون تحاشي الغلط اللي ارتكبوه عشان ما نزعل عليهم لانهم يخافون لايفقدون حبنا ,,


وانت على هذا المنطق حاول تسيرها .. انه انت ما راح تتعامل معاها الا كزوج مسؤوله وانه لو تمادت في اغضابك ممكن تقل نسبة حبك واهتمامك فيها ,,

وعلى هالطريقه راح تخاف زوجتك من فقدان حبك واهتمامك وبتخاول ارضائك لانها تحبك وتريد الحفاظ على مكانتها عندك ..


اهم شي انك تركز على الامور الاساسيه بالبيت يعني كونها تهتم في البيت ونظافته وفيك وبأكلك وطاعتها لك بالفراش ..

واذا كانت نفسيتها تعبانه او قبل فترة الدوره حاول انك تتغاضى عن غلطاتها وكأنك ما تشوفها مراعاة لنفسيتها وحتى لا تثقل عليها الحمل ..


واسأل الله لكم التوفيق والسداد ..

__________________
سبحانك اللهم وبحمدك اشهد ان لا اله الا انت استغفرك واتوب اليك


لا اله الا انت سبحانك اني كنت من الظالمين