هل من الممكن ان أعود كالسابق ؟؟
مو عارفة شلون ابدي
ولكن مشكلتي بالمختصر المفيد ان صارت لي مع زوجي وايد مشاكل خصوصا بالفترة الأخيرة مشاكلنا اكثرها بسبب امه وفي احيانا كثيرة كان يظلمني ويوقف مع امه حتى لو غلطانه وبعد مدة بعد ما ننسى السالفة وتمر الأيام يقولي انا ادري اني ظلمتج . . وترد امه تسويلنا مشكلة وترد تنعاد نفس السالفة يظلمني وبعد فترة يقولي يمكن انا ظلمتج . . .
المشكلة بعد كل هذا صارفيني برود مو طبيعي تجاه زوجي ومن القهر اللي فيني قمت اعامله بجفاف مو قادرة اتحمل منه شي لاني احس اني عايشة مع انسان ما ينصفني الا بالوقت اللي يبيه
حتى اهلي لاحظي جفافي مع زوجي وقلت لهم ياما عاملته احسن معامله اهو واهله شنو استفدت ؟؟؟؟؟؟ يمكن اللي تطول لسانها والنحيسة اهي اللي عيشتها تكون احسن من الطيبة اللي تطيب خاطر الكل
الحين مو عارفة شلون ارد مثل قبل
صرت جافة معاه
ما اتحمل منه شي
وايد قمت استثقل دمه
كنت البس احلى قمصان النوم الحين احس انه سوري على هالكلمة مو كفو قمت انام بالبجاما مثل اليهال
حاسة بملل مو طبيعي وظلم كبير وقهر
مو عارفة شنو اسوي
__________________
[glow=CCCCCC][B]يـــوم لـــك[/B]
[B]و
يـــوم عــــلــيــك[/B][/glow]
15-07-2007, 10:12 AM
ضوابط المشاركة
العرض الشجري