مساك الله بالخير اخي أبو الوئام ومشكور على ردك , بس ودي أوضحلك كم نقطة.

أولا: المحاولات ما زالت مستمرة بالنسبة للتغنج والدلع , لأني من النوع اللي ما ييأس ولا يعرف التعب في سبيل الحصول على مأربه. بس أعتقد ست سنوات محاولات ولا حياة لمن تنادي.
( مالها حل ).

ثانيا: بالنسبة لغرفة النوم هو ما يحب الجلوس فيها الا للنوم فقط . واعيد عليك ولسبب اخر وهو ( خذوه فغلوه فقط). بتقول لي انتي ما تهيأين له جو. اقول لك كل من دخل غرفتي ذكر الله من الديكورات اللي مسويتها فيه واللي مكلفتني الشي الكثير وصفة الرومانسية فيها غالبة على الفخامة.

ثالثا: انا ضد ان الزوجة تستحي من زوجها خاصة في امور تخصها وتخص عشرتها معاه . يعني بالعربي استحي منه وانام معاه ( شلون تجي ). يعني انا مع زوجي جريئة مع زوجي في امور إلى الان ما سمعت من اي وحدة قريبة مني سوتها مع زوجها خاصة في التغنج ولما اسال اي حرمة عن اي حركة ( يقولون لي عيب والله نستحي ) وانا متأكدة لو اي رجال في مكانه كان ما يفارقني.

رابعا: بالنسبة للتمثيل صدقني انا المفروض اني استحق جائزة الأوسكار عشان تمثيلي معاه .

وأعيد عليك هو من النوع اللي يعتقد بالمثل القائل ( لا تبين للحرمة غلاتها تجلس فوق راسك ).


اخرتها امس تعنيت ورحت للسوق عشان بس اشتري له ( صحون تقديم ) خاصة لطبخة في راسي ولما طبخت الغداء ورتبته في الصحون طلعت السفرة شي , وانتظرته يعلق . ابدا . ولما سألته شرايك في الصحون وشكل السفرة. ( قال مو مهم الصحون اهم شي الطبخ ) قلت ليه مو حلو طبخي ( قال لو مو حلو ما أكلته ).

اسفة ابو الوئام اطلت عليك بس صدقني والله ما خفي كان اعظم ولو اطول بأبكي عليكم وصدقني ما راح اسكت الا بعد يوم.


مشكور على سعة صدرك.