_-_ كفتة السمك اللذيذة .. تصلح لرمضان :: (بدون صور) :: _-_

19-08-2007, 07:13 PM

شمعة الجلاس2005

كبار شخصيات المنتدى

تاريخ التسجيل: Aug 2005

المشاركات: 1,769

_-_ كفتة السمك اللذيذة .. تصلح لرمضان :: (بدون صور) :: _-_

)( كفتـــة السمــــك )(

)( المقــــــادير )(

نصف كيلو سمك ( أما هامور .. أو شعري .. أو حتى صافي أو أي نوع تفضلونه )

كيلو إلا ربع بطاطس مسلوق ومهروس ناعم ( وإذا تحبون طعم السمك يبان بشكل كبير فقط نصف كيلو بطاطس )
ونلاحظ عند سلق البطاطس إن نشيله من النار وهو مو لين يعني شوي يابس علشان الكفته ما تسيح في القلي ..

بصلتين كبيرتين مفرومتين فرم ناعم + بصلة صغير مقطعة أربع قطع

5-6 ثوم مدقوق ناعم

طماطمتين متوسطتين

كزبرة + شبت مفروم

فلفل بارد مقطع مكعبات صغيرة

قرن فلفل حار ( يمكن الاستغناء عنه )

بهارات مشكلة

1 مكعب ماجي

2 بيضة مخفوقة بالشوكة مع رشة فلفل أسود

بقصمات

)( تفضلوا الطريقــــــة

)(

نسلق السمك وبعد ما نشيل الزفرة اللي على السطح نضيف له البصلة المقطعة أربع قطع + كم حبة فلفل أسود + رشة بهارات مخلوطة ..

ونتركة ينسلق لمدة 10 دقائق فقط

وبعد ما نشيله من ماء السلق نشيل الجلد من علي السمك والشوك ويكون بهذا الشكل

وهذا بعد شكل البطاطس بعد ما سلقناه وهرسناه

واللحين نجي للحمسة

نحمس البصل والثوم في الزيت وبعد ما يصير لونهم ذهبي نضيف لهم مكعب الماجي والطماطم

وبعد ما يذبل الطماطم نضيف بهارتنا والفلفل البارد والكزبرة المفرومة والشبت

وعلى طول نضيف السمك ونخلطه عدل مع جميع المقادير

واللحين يجي دور البطاطس المهروس

ونخلطه عدل بهذا الشكل

وبهذا الشكل تكون الكفتة جهزت

ونتركها لغاية ما تبرد ..

وبعد ما تبرد نبدأ نكورها وبعدين نغمسها في البيض المخفوق وبعدين في البقصمات

في هاذي المرحلة اللي تحب إنها تفرزنها تفرزنها في الصينهة مثل ماهي وبعد ما تثلج الكفته نشيلها ونحطها بالأكيان النايلون أو بعلب بلاستيك محكمة الإغلاق وأنا أفضل إني أحطها في الأكياس وبعدين أصفها في العلب علشان ما يتغير طعمها ..

ملاحظة :

ترى كفته السمك إذا بتعملينها لرمضان فأنصح بعملها قبل يوم أو يوم بالكثير قبل رمضان لأنها لا تصلح أن تظل بالفريزر أكثر من شهر لأن يتغير طعمها ..

ونرجع لكفتتنا بعد ما غمسناها في البيض والبقصمات نغليها في زيت متوسط الحرارة

وإذا حصل لكم وإن الكفتة تفتت مثل هاذي الصورة

فأنا أضفت لها كوب بقصمات وخلطيتها وصارت

والحمد لله وهذا لأني كنت عند الوالدة لما عملتها وبصراحة إهي اللي نصحتني بهاذي الشيء الله يطول عمرها ويحفظها لي ..

وهذا شكلها بعد القلي .. بس اعذروني لأني خليتها بالثلاجة ورجعت بيتي شوية عندي شغل ولما رجعت الوالدة خلت الشغالة تقليها فكانت هاذي النتيجة

ولكن الطعم عن جد وبكل أمانة ولا أحلى

وريحة الكفتة أبداً ما فيها زفار بل بالعكس أخواتي لما ذاقوها احسبوها كفتة دجاج

وهم ملاحظة ثانية :

هاذي الطريقة ولكن ممكن إنكم تضيفون لها اللي تحبونها فمثلاً أنا أقسم الخلطة قسمين قسم أخليه بارد

والقسم الثاني أضيف له الفلفل الحااار أقطعه قطع صغيرة جداً وأضيف لها بعد الفلفل الأحمر البودرة وتصير حارة

وإذا حبيتوا تضيفون الجزر المبشور أو جبن الكاسات أو جبن المازارولا أو أي نكهة تحبون فالخيارات مفتوحة لكم ..
[blink]وعليكم بالصحة العافية ..[/blink]

ترى جربوها ماراح تندمون

من يد أختكم
شمعة الجلاس2005

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه