رد خاص جدا ياليت فيه كان فيه خاصية رسائل خاصه كان افضل !
اوكي بما إن الأمر قرار ومصير واكييييييييييد انك محتار راح أقول رأي بالموضوع كل إلي صار خطا
وتمادي البنت معاك اكبر خطا والعلاقة مدتها بصراحه طويلة ! ولم يكن هناك اي هدف من البداية
لكن ماراح ندقق على الزلات ونلوم البنيه او نلومك. شوف اخوي موضوعك محير وفيه تقارب بسيط و يشبه موضوع اخوي بس الفرق واضح هو من البداية كان هدفه الزواج وانا ابحث له عن زوجه
وبالصدفة هو عرف بنت عبر النت وشلون لسى ماقال لي كل السالفة بالضبط !
بس يقول البنت متعلقه فيني وكل معلوماتها اعرفها وارسلته صورتها بعد !!
على فكره اخوي سافر لوحده لهم بعد ما انا اتصلت بأهل البنت لتحديد موعد
و قالوا لي تفضلي معه فقلت انا بعدين الان مقابلة بين الرجال فقط و لأني اجامل اخوي
لأنه انا لازم بعد اعرف عن البنت اكثر وعن علاقتها وأسال عنها .
وهو قال لي لنا الان بعلاقتنا شهر وكنت ابقول لك من البداية بس بغيت وحسيت ان البنت مندفعه له بشكل كبير وايضا التواصل تطور منها عبر اتصالها بالجوال وبتلفون البيت !!
يعني البنت جريئة بس يقول مؤدبة في كلامها وتعارفها وهدفنا الزواج وايضا متمسكة بأخوي
والمهم هو بنفسه صارحني و قال انا راضي بها زوجة لأنها أخلاق ومحترمه بغض النظر على الخطأ منها في اتصالات علي وتعارفنا قبل الزواج لكنها تصلح زوجة وفيه اقتناع مبدئيا ورضى بيننا
[blink]المهم : [/blink] واتفقت انا واخوي والبنت ان نخبر اهل الفتاه انني عرفتها عن طريق الكلية واتصلنا بأهل الفتاه وقابل اخوي أهلها إلخ
وأسال الله ان يتمم موضوع أخي على خير ان كان خيرا له .. فمضى الان شهرين على الخطبة ..
برغم إننا من قبيلة بمنطقة نجد ومن اهل الرياض والبنت الله يستر عليها من اهل المنطقة الغربية !
فسوف يكون فيه صعوبة بالسؤال عنها

اكيد انك محتار وتبحث عن آراء وحلول ونصائح وارشاد والكل بيعطيك من وجه نظرة الشخصية !!
وطبعا الكل يرفض بشدة العلاقات قبل الزواج لأن الكل يخاف من الفشل او الشك فالأمر يعود لك ولشخصيتك ولنفسيتك
إذا بتحس ان الامر ما يسبب لك مستقبل شكوك على البنت او تفكير في علاقتك السابقة مع اختها او مشاكل اجتماعية إذا تحس الامور ممكن تكون على خير مايرام وانت مقتنع وراضي فيها
( فتوكل على الله وخل الأمور رسميه )
مثال : يعني اخوي الان ماعنده مشكله إذا وجدت بنت مقتنع فيها وراضي بها كزوجة يطلب اني اكلمها وهو في قرارة نفسه ما يقلل من شأنها ثم بعد فتره هو يدخل اهل البنت بالسالفة لان الهدف عفيف وشريف لكن من الأفضل وتكرر الأمر مرتين لكن المرة الاولى البنت قالت لا لأنه تعارف كان بالنت وتقول ما ابي بهذا الطريقة ! الي يبيني يتقدم لأهلي لا يكلمني ولا اكلمه ! وانتهى الامر برغم اني كلمتها ايضا واما الثانية فوافقت ومقتنعه لكن بقي شيء اهم هو القسمة والنصيب وهل بيتم الموضوع على خير وينتهي بالزواج ام لا الله اعلم ..
وإذا انت يا مازن انت متأكد من اخلاقها ومو راعية شباب وعلاقات ومحترمة البنية وانت عازم وصادق وهي كذلك فذهب لخطبتها وقبل كل شيء اسال عن الفتاه جيدا وعن أهلها
(واستخير ربك لمدة أسبوع....... ثم خل الأمور رسميا )

[blink]مهم :[/blink] هذا بعض مالدي كتبته باختصار اسال الله لك التوفيق وان يريح بالك
وقبل كل شيء لا تفكر ان تخبر اهلك
او اهلها انه كان فيه تعارف مسبقا او عرفتها عن طريق نت او عن طريق شاب اعطاك رقمها
لا تفكر ابدا بمصارحتهم بهذا لا اهلك ولا اهلها

وايضا لا تستعجل بذهاب لخطبتها اجلس شهرين او اربع شهور بدون أي تواصل معها اقطع علاقتك بها طوال هالفتره وتقرب من الله واذهب للعمره وايضا ابحث عن اصدقاء يكونون صُحبة صالحة طيبة تقضي وقت ممتع معهم وإذا مضت بك الايااااااااااااااام على خير ومازلت تريدها وتشعر بالراحه للموضوع فأخبر اهلك يقومون بالاتصال بأهلها بمعنى تكون الخطبة على حسب العادات والتقاليد
والله ييسر ويكتب لك مافيه الخير
( عذرا على الإطالة )
والله معك