أختي الكريمة
يوم قريت المشكلة اللي عندك دخلتي قلبي على طول ..وحسيت باللي انتي حاسته ..
حبيبتي .. أنا عندي نفس المشكلة ..
صار لي سنة متزوجة وهالانسانة " أخت زوجي " مأديتني في عيشتي ..
مع أني مو ساكنة معاهم وما أشوفها إلا كل أسبوعين مرة .. إلا أن أذاها واصلني ..
هي عمرها 30 و ما تزوجت لحد الحين
تبغى تتدخل في كل أموري
زوجي يحترمها كثير لأنها أخته الكبيرة لكنها للأسف مو مقدرة هالاحترام
قدامه تكون زي العسل معاي ولو يغيب عننا دقيقتين تقلب وجهها علي
تتخيلي أنها دائما تقولي أنهم ما كانوا بيخطبوني لزوجي
وكل ما جابت لي هدية ولا شي تعيرني بها
وآخر موقف صار وهذا اللي ماني قادرة أبلعه
قالت لزوجي أنها حلمت أني كنت حامل وجبت جنين مشوه .. تتخيلون وش راحت قالت لزوجي ..قالت له انتبه لا تخلها تحمل الحين عشان ما تجيب ولد مشوه ..
طبعا هو سكت عنها لكن أنا عصبت حدي وقلت لها معنى الحلم أن الحمل والجنين المشوه معناه هم وكدر وقلت لها لا تقول لزوجي مثل هالأحلام لأنه يتضايق .. ولما قلت لها كذا راحت أفترت علي وقالت لأخوتها أن أنا أبغى أفرق بينها وبين أخوها والمفروض أنا ما أصير قريبة من زوجي لأنها هي الوحيدة القريبة له وأن المفروض زوجي مايقول لي أي شي ويقولها هي
أنا آسفة طولت عليكم لكن والله من كثر القهر ودي أقولكم كل شي
آآآآآآآآآآآآآآآآآآآه الله يعينك أختي