متى باذن الله سوف تتحقق احلام والدي
السلام عليكم ورحمه الله وبركاته
مادري وش السبب الى دفعني لاكتب هالموضوع يمكن تعبانه يمكن من كثر الضيقه الى فيني والله مادري
لكن ماحسيت غير اني ابى اكتب افضفض شي من الى في خاطري مااقدر اقوله قدام احد يمكن اكتبه هنا لاني اعرف انكم
ماتدرون من انا لكن من جد نفسيتي تعبت الحمدلله على كل حال
راح ابدا اكتب كل الى بنفسي مادري وش صار فيني كل ماسمعت ان وحدة انها انخطبت ماشاء الله
او قالو فلانه حملت او فلانه ولدت اقول بيني وبين نفسي
متى ان شاء الله يجي الفرج
الحين بنات عمي الى كانوا من سننا كانوا صديقاتنا بالحيل ماشاء الله توفقوا ويسر الله زواجهم وبنات خوالي لا اله الاالله
الله يتمم لهم بخير وصارن امهات ماشاء الله وسبحان الله لاشفتهم مو حسد لا والله والاحقد لا وربي الكعبه بس اتمنى يوم من الايام ان شاء الله انا وخواتي نصير مثلهم ماشاء الله
سبحان الله
بالامس القريب جدا كانوا مثلنا بنات نتكلم عن متى نتزوج ويصير عندنا عيال وش نسمي ومن هالكلام والاحلام 
ومشت الايام
وماشاء الله تحققت احلامهم وانا وخواتي سبحان الله للان ماتغير في حياتنا شي
اللهم لاعتراض وباذن الله ننتظر الفرج القريب من رب العبااااااااد
والى يحزني اكثر ويتعب نفسيتي اكثر انا ابوي الله يطول بعمرة شايل همنا هو كبير بالعمر والتعب هد حيله النوم ماينامه وهو يفكر فينا ويدعى الفرج القريب لنا وله انا عارفه ان حلم حياته يشوفنا متزوجات انا وخواتي ازواج صالحين يخافون الله فينا
الحين صار بيتنا لهن اي وحدة طفشت من زوجها او اهل زوجها او تبغى تتكلم او تبغى تتونس من بنات عمي جنا عندنا
يحسبننا اربعه وعشرين ساعه فاضيات متى مطفشن او ملنا من بيوتهن جنا مايقولن حتى هن عندهن ظروف والايمكن مشغولات مثلهن يوم ينشغلن
والى مستغربه منه سبحان الله حنا خطاب مايجوننا مادري ليش الحمدلله الذي لايحمد على مكروة سواة يوم صرت اشوف مواضيع العين قلت يمكن محسودات والا شي بس يوم فكرت قلت لا ان شاء الله لاتخلين كثرة تفكيرك ياغموض يخيلك اشياااااااااء هذا نصيبنا ماجاء وان شاء الله بيجي قريب قولوا ااااااااااااااااامين قبل مايخلص رمضان باذن الله
قبل اسبوعين وحدة من خواتي صلت الفجر ونامت وكانت صايمه حلمت حلم يوم قامت دورت احد يفسر الحلم المهم لقت لها حرمه وفسرته الحرمه انه عريسين بيجونا والا فرحتين والله لو شفتوا فرحتنا انا وخواتي ماخلينا احد ماقلن له انه ان شاء الله قريب تسمعون خبر زواجنا ولا نحلف عليهن يحضرن الخطبه اذا صارت مر اليوم الاول من الحلم وحنا نستنى العريس ماصار شي الحمدلله مر اليوم الثاني مر الاسبوع الاول والحين حنا بالاسبوع الثاااااااااااني وماصار اي شي وعرفنا انه الله اعلم مجرد حلم الحمدلله على كل حال
يمكن ماتفهمون من كلامي شي يمكن كله خرابيش ويمكن تقولون الله يعينها على نفسها لكن والله في شي مضايقني وحبيت اكتبه خصوصا ان قبل اشوي كنت عندنا وحدة من بنات عمي وماشاء الله لااله الا الله كانت تشتكي من الوحام فجلست اناظر بخواتي الى جالسات معاها وربي اني جلست ادعيلهم بقلبي يوم شفتهم ينصحونها وش تاكل وش تعمل الى يشوفهم يقول جربوا الحمل والولادة يا لله لاتقطعهن من هالفرحه
بالاخيررررررر امااااااااااااااااااااااانه 
في عنق كل من قراء كلامي هذا ان يدعيلي انا وخواتي في ظهر الغيب لان الدعوة في ظهر الغيب لاخيك المسلم مستجابه ان لاينتهي شهر رمضان ان شاء الله الا ان رزقنا الله الازواج الصالحين الى يخافون الله فيناااااااااااا ويعوضون صبرا خير ويفرح قلب والدي بزواجنااااااااااا قريبا ليس ببعيد
وباذن الله اجي انزل موضوع تباركون لي فيه بخطبتي انا واختي الكبيرة :14: :14: :14: وخواتي الباقيااااااااااات
__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك
11-09-2007, 02:06 AM
ضوابط المشاركة
العرض الشجري