الأستفسارات والأستشارات الجماليه هنا - منتدى عالم الأسرة والمجتمع

23-09-2007, 12:08 PM

#11

هانديا

عضو المنتدى الفخري

تاريخ التسجيل: Jul 2004

المشاركات: 2,894

اقتباس:

المشاركة الأصلية كتبت بواسطة هاايدي

اهلييييييييييييييييييين هاااااااااااانديا

كيفك ياغاليه ؟؟

حبيبتي اناعندي كذا سؤال واعذريني ابزعجك وكلها مهمه بالنسبه لي

1/ انا ودي اصبغ شعري بني غاااامق كاكاوي تتوقعين يناسب بشرتي علمّآ اني مو سمرا ولابيضاء ..

2/ ناويه اقص الغره مررره عند الحواجب ...مرررررررره محتاااره لان شعري نااااااااعم جدآ وكنت قاصته مدرج بس اللحين طال ..ناس قالوا يناسب وناس قالوا مستحيل يكون حلو

وش رايك ؟؟

3/ انا تيوري للعيد غالبه لونه اسود وفيه الوان مختلفه (فوشي -ذهبي -موف)وصراحه مره فخم يعني احس

مايتحمل اي مكياج مبالغ فيه او حتى عاادي ..ومادري ايش اسوي مكياج

او بمعنى اصح احط شدو ولالا ؟؟ واذا كان الجواب الا لاااازم ..وش تنصحيني يكون اللون ؟؟ولون الروج ؟؟

والاكسسوار انا ناويه اشتري حلق كبير شوي مثل اللي يجي احجار كريمه ومالبس اي شي غيره

بس خاتم صغير..وشرايك؟؟

4/ انا اعاني من بعض المناطق في جسمي تكون جدآ جاااااااااافه وخصوصآ بعد الولاده

فالله يخليك ابي شي ينعمها ويخفف خشونتها ..

5/ الله يجيرك وجهي من بعد الدراسه في الكليه رجع للاسمرار فابي شي يفتح لون الوجه اذا عندك..

6/ شعري مسبب لي ازمه

كل التناقضات فيه ..

لانه جدآ ناعم بس من بعد الصبغات صارت اطرافه جااااااااافه ومتقصف والشعر اللي فوق لا ناعم وش حليله

ولاتقولين قصيه ماصدقت يطوول شوي ابي اطوووله

معليش ياااقلبي ازعجتك باسئلتي الطويله العريضه بس صدقيني

اول ماشفت الموضوع قلت ..بــــــــــــــــس هذا اللي انا ابيه ..

والف شكر لك مقدما

/ انا ودي اصبغ شعري بني غاااامق كاكاوي تتوقعين يناسب بشرتي علمّآ اني مو سمرا ولابيضاء ..

نعم مناسب لك والألوان الدارجه هذا الموسم الألوان الغامقه .. (الأسود- البني بدرجاته )

/ ناويه اقص الغره مررره عند الحواجب ...مرررررررره محتاااره لان شعري نااااااااعم جدآ وكنت قاصته مدرج بس اللحين طال ..ناس قالوا يناسب وناس قالوا مستحيل يكون حلو

اذا كانت جبهتك عريضه فقط ! بتناسب عليك جدا ..

انا تيوري للعيد غالبه لونه اسود وفيه الوان مختلفه (فوشي -ذهبي -موف)وصراحه مره فخم يعني احس

مايتحمل اي مكياج مبالغ فيه او حتى عاادي ..ومادري ايش اسوي مكياج عزيزتي لاتقلقين

حتى لو كان مكياج ثقيل عادي جدا لأنه مناسبة عيد

..

لكن ايضا النعومه وعدم المبالغه مطلوبه ..

ممكن تضعين أضائه ذهبيه وتخلين الشدو دمج لونين موف وفوشي وتضعين أي لينر اسود ..

لكن حددي لي شكل عيونك ولونها ..

وأن راح أدور لك الرسمه المناسبه ..

والاكسسوار انا ناويه اشتري حلق كبير شوي مثل اللي يجي احجار كريمه ومالبس اي شي غيره

بس خاتم صغير..وشرايك؟؟

على حسب تيورك هو ساده ولا فيه اي اضافات (شك مثلا) ..

/ انا اعاني من بعض المناطق في جسمي تكون جدآ جاااااااااافه وخصوصآ بعد الولاده

فالله يخليك ابي شي ينعمها ويخفف خشونتها ..

ممكن توضحين لي أكثر لأني مافهمت عليك ..

5/ الله يجيرك وجهي من بعد الدراسه في الكليه رجع للاسمرار فابي شي يفتح لون الوجه اذا عندك..

لابد من استخدام الواقي الشمسي وكريم الترطيب ..

استخدمي يولاي بخلاصة التوت لكن النتيجه تحتاج لوقت ومداومه ...

ملاحظه : يمكنك معي في نفس الكليه

/ شعري مسبب لي ازمه

علاج مشكلتك هو عمل حمامات الزيت ودامي عليها مرتين بالأسبوع اومره واحده حسب ماتقدرين عليه ..

لكن اذا كنتي توك صابغه جديد انتبهي تحطين الزيت على شعرك لنه بيحوس لك اللون كله أنتظري شهر

كامل على الأقل ...

معليش ياااقلبي ازعجتك باسئلتي الطويله العريضه بس صدقيني

اول ماشفت الموضوع قلت ..بــــــــــــــــس هذا اللي انا ابيه ..

ولا أزعجتيني ولا حاجه بالعكس انا أستمتع بالرد على استفسارتكم ...

ونا يوم حطيت الموضوع وشفت أسئلتكم قلت هذا اللي أبيه

__________________

أخصائية التجميل : HANDEA
سبحانك اللهم وبحمدك ..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه