ان شاءالله...كيف أقضي العيد في شقتي الصغيرة بدون زوجي؟؟؟
السلام عليكم ورحمة الله
تقبل الله منا ومنك الصيام و القيام
لا ادري هل اعزيكم بفراق رمضان ام أهنيكم بعيد الفطر المبارك
لكني سأجمع الحسنين..وأسأل الله ان يجعل كل ايامنا سعادة بطاعته سبحانه
عندي سؤال لآني اخشى وافكر هل سيمر يوم العيد ..لو الله احيانا ..
اعتدت انا وزوجي ان نقضي العيد في بيتنا ..اغلب الاعياد..
وأذا أراد زوجي ان يقضي العيد ( يعني يحس انه عيد وعاش العيد ) قبل عزومة (واحد من الجماعة ما شاء الله عليه داااااايم يسوي عزيمة ليلة العيد ويعزمنا ) احيانا اروح معه واحيانا لا لآني ما اعرف الناس كثير واستحي لما اروح اقعد لحالي ..ما احد يسولف معي واهل البيت مشغولين
طبعا نحن نسكن في مدينة تبعد عن مدن اهالينا كثييييييرا 1000 كيلو واكثر...
و في مدينتنا لا احد من قرابتنا ..لكن في العاصمة هناك خالتي (هي خالته) وعمتي واختي من ابي واخوه وجمااااااااعة كثيييييييييير نعرفهم وكم مرة يعزمونا في العيد لكن زوجي يرفض
انا اخشى ما اخشاه ان زوجي هالعيد ما يخليني اروح العاصمة عشان اعيد على قرابتي (طبعا اخوه مسافر لاهله )
وللعلم اخوانه كلمهم تجمعوا عند اهله وطلبوا منه السفر لهم لكنه رفض بالرغم من ان له سنتين ما قعد عندهم غير اسبوع فققط...
اخشى ان ينقلب العيد إلا ايام مشادات بيني وبين زوجي (كعادتنا اغلب الاعياد)
لآنه يرفض ان يوديني للعاصمة اسير عليهم واقعد معهم
وإن وافق فسيوافق لكن ليس في اليوم الاول بل في الايام الثانية ..ولفتررررة قصيييييييرة جدا ( طبعا لا بد من نكهة التهزيء وان انتم الحريم ما تشبعون من السوالف وان انا ارتاح في بيتي وان و ان )
بل حتى اخوه لما يكون عيد ما يروح له إلا بعد فتررة من العيد مع اننا قريبين من العاصمة بينا حوالي 80 كيلو
او اقل
الخلاصة عارفة اني طولتها...
اخشى ان ينقلب يوم العيد إلا حزن .....خاصة لما اتذكر ان ما عندي اطفال
لما اروح اصلي في المسجد واشوف الاطفال ..كل بجنب امه ..وبسم الله عليهم يجنووون ولبسهم حلو... اقعد ابكي بدل ما اسمع المحاضرة (طبعا شوي وارجع لعقلي واسمع المحاضرة )
طبعا سبب بكائي اني اتخيل ان معي اطفالي بجنبي ..اتخيل كيف اني المفروض اربيهم على الايمان واعودهم على حب المسجد وكيف رح البسهم و كيف وكيف..بل اتخيل كم عددهم وكم اعمارهم ( لي حاليا 13 سنة متزوجة بلا اطفال )
سامحوووووووني
والمشكلة لما زوجي يضايقني..بكلامه أو يحرمني من زيادة احبابي..اقعد اتذكر اطفالي وابكي
واحيانا اقول ..يمكن رحمة ما عندي اطفال لآن ابوهم انعزالي ولا يحب العيد (هو قالها لي قال انه ما يحب العيد عشان الناس يتزاورون ..قال ما يبي يشوف الناس...على كلامه وش يبغى فيهم )
انا عارفة اني ضيقتكم معي ..بس من جد انا الحين احس بالقهرررررررر من زوجي ما يبغى يتحمل مسؤولية
ما يبغى يسافر لآهله واهلي مع ان عنده اجازة واخواني عنديهم اعمال بالعيد ومع هذا سافروا لآهلي او بيسافرون
ما يبغى اطلبه اني اروح ازور قرابتي ..يقول انه ما يحب يشوفهم
انا اخشى ان يأتي العيد
يكفيني هم ان هذا هو اول عيد بدون شقيقي الحبيب (رحمه الله وغفر له )
يكفيني هم لما اشوف جيراني ..يلبسون عيالهم و يعطونهم عيديات ويمروا على الجيران عشان العيدية
يكفيني هم اني اتذكر ان عيالي مو معاهم عشان يفرحوا وافرح انا بيهم وهم فرحانين بالعيد
يكفيني هم ان احس اني متزوجة مع وقف التنفيد
ياااااااااارب لك الحمد على كل حال
استغفر الله العظيم واتوب إاليه
لا إله إلا انت سبحانك اني كنت من الظالمين
سامحوووووووووني اني خربت فرحتكم بالعيد
طلبتكم أن تدعوووووووا لي بأن لا يأتي العيد القادم إلا ومعي توأم ولد وبت (اسمي الولد على اسم اخي )
رب لا تذرني فردا وأنت خير الوراثين
رب هب لي من الصااااااااالحين
لا إله إلا انت سبحانك إني كنت من الظالمين
__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب
التعديل الأخير تم بواسطة غلا 2005 ; 11-10-2007 الساعة 12:19 AM
10-10-2007, 11:55 PM
ضوابط المشاركة
العرض الشجري