السلام عليكم ورحمة الله وبركاته

قررت كتابة موضوعي هذا منذ فترة الا اني ترددت كثيرا الى ان قررت هذا اليوم

مشكلتي هي حياتي السلبية كل شي يصير اتوقع دايما ان الجانب السلبي راح يصير قرارتي وكل شي فيني سلبي..

يمكن من اساس تربيتي في البداية لان والدتي زعزعت الثقة اللي في نفسي وكبنت تفرض رايها علينا في كل الامور بحكم انها الام ولها الكلمة الاولى والاخيرة حتى في اقل حق من حقوقنا .. كانت تعاملني معاملة اكبر من سني يعني لما كان عمري 7 و 8 سنوات كانت تعطيني مسؤوليات وحدة عمرها 12 وفوق مثل الاهتمام بالبيت وشغل المطبخ وكانت تخليني اسبح اخوي وهو في شهوره واسوي له الرضعه واذا غلطت اي غلطه تعاتبني وتهيني وتقلل من نفسي قدام الناس حتى ..

انا نسيت كل هذا بس المشكلة انه اثر على حياتي بشكل سلبي جدا .. دايما اقول عن نفسي مو حلوة مع ان الناس تقول العكس ما احب امدح في نفسي ولا اشوف في نفسي شي حلو اساسا بسبب سلبيتي ..

فكرت احضر محاضرات توعوية ونفسية بس تررددت ولا عندي الجرأة ..

حتى بعد زواجي مو عارفة كيف اعيش حياتي مع زوجي لاني اشوفه دايما بنظرتي السلبية يعني بس عيوبه وانا عارفه ان محد خالي من العيوب .. واعتقد شفتوا موضوع نواقص في زوجي ...

ابي حل لمشكلتي السلبيه بالحياة والا حياتي راح تتحطم اكثر واكثر

__________________

	ادعوا لي ان الله يرزقني بالذرية الصالحة