حاول انك تعالج عيبك اولا باي طريقة اذهب للمشايخ يقروا عليك اذهب لطبيب نفسي وقوي من شخصيتك وقوي جميع جوانب حياتك عملك شكلك علاقتك مع اهلك واصدقائك وزملاء العمل حب نفسك علشان غيرك يقدر يحبك وعلشان انت تقدر تحب غيرك


اما الزواج يختلف بحكم الجاذبية الطبيعية بين الرجل والمرأة والخجل سيتلاشى مع الوقت امام الاعجاب والحب و الرغبة باستكشاف الطرف الاخر وادخاله في عالمك

اهي ممكن تمل منك لو كانت جريئة جدا وثرثارة فهذه فتحسك معقد ممل انطوائي

اما الخجولة الانطوائية الهادية بتتفهمك وتتقبلك بس انت راح تزيد معاناتها واهي بتزيد معاناتك



الافضل لك انك تاخذ وحدة خجولة على الخفيف بس مرحة وتحب تسولف و سوالفها حلوة بس مو ثرثارة ومن البداية وضح لها طبعك من النظرة الشرعية علشان اذا تقبلتك صار زواج ومع الوقت راح تتعود عليها وتتعود عليك وما راح تخجل منها ابد ..... يعني لا تحاتي بس خل اختك او امك تختار لك وحدة تناسب شخصيتك


ومشكلة خجلك لازم تدور له حل اذا مو علشانك على الاقل علشان زوجتك تبي تفتخر فيك وتحس فيك رجولة وشجاعة وعلشان عيالك ما يتعقدون لانك لازم تكون اب مثالي لعيالك


حتى لو ما تزوجت لازم لازم لازم تتخلص من خجلك على الاقل اقعد جلسة صريحة مع نفسك و اعرف السبب وحاول تقرا كتب في البرمجة اللغوية علشان تغير طريقة تفكيرك و بالتالي ثقتك بنفسك


الله يوفقك يا رب وتتخلص من الخجل لانه صج بقيدك وبيحرمك من حق في الاستمتاع بحياتك


راح ادعيلك ^_^