مشكلتي مع خطيبتي حول الأسرار الزوجية
مشكلتي مع خطيبتي حول الأسرار الزوجية
السلام عليكم اخوتي الكرام الحقوني بالنصيحة لو سمحتوا من اهل الخبرة و المتزوجين
فتحت انا وخطيبتي (كاتبين الكتاب (ملكه)) موضوع الاسرار الزوجية و قلتلها انه اي شي بيصير بيننا سر ولا يخرج نهائيا
وقلتلها اي احد بتسمعي يريد يحكي بهالموضوع بتبعتدي عنه لانه بيكون اخلاقهم سيئة وقلتلها انا مستعد احلف يمين بهالموضوع اذا حسيت حالك ممكن تضعفي و تحكي او تسمعي فقالتلي اوكيه و انتهى الموضوع عند كذا
ثاني مرة بأكد عليها فقالتلي انه في مواضيع عادية ممكن تنحكى قلتلها مثل ايش اعطيني مثال لشوف مستوى العادي عندك
قالتلي مثلا مرات بيحكوا انه الله يعينها شو نزفت بهديك الليلة او كانت عليها متل الصلاة على النبي .... الخ من هالحديث حول ليلة الدخلة هون انا قلت هالموضوع اذا تغاضينا ممكن يكون من باب الاطمئنان ليس الا وبالنهاية حديث مرة بالعمر قلتلها كمان مثل شو قال في منهن بيقولوا شوفي ملطعلها جسمها قلتلها ايه شو يعني قال يعني صاير جسمها لطع لطع من التبويس هون بديت تطلع الحرارة عندي وبديت انزعج بصراحة قلتلها ايه كمان قال مرة منهم قالت في منهم بيحطوا شوكولا.... هون انا جنيت و قلتلها هادا مستوى العادي و انتي بتسمعي لهيك احاديت اقلتلها ما بدي تقولي لي مين هدول لانو فيو كشف اعراض بس لا بقى تقعدي معهم نهائي و هالموضوع كتير حساس بالنسبة الي وما بريد لا تحكي و لا تسمعي و اذا بتشوفي اي حدا بدو يحكي بتتركيهم و بتمشي و اذا شفتي بدهم يقولوا عنك خجولة او اي شي من هالحكي قولي لهم حالف علي يمين ما اسمع او احكي هيك شي و الفات مات ..... قام قالتلي انو انا مثقفة و بعرف انو بيصير من هيك قصص طلاق و انا بعرف انو مو ضروري اللي بيصير مع غير يصير معي ...الخ .... هون انا حسيت بالاهانة بالفعل و كاني انا عمبمنعها من هالموضوع نتيجة ضعف فيني و ليس للوازع الديني و لما فيها من حرمانية و بالمقابل حتى ادافع عن رجولتي امامها اضطررت اقول لها انا خوفي على حالات الطلاق بالاتجاه المعاكس مو باتجاهنا يعني بخاف على اللي بدك تحكيلهم ينزعجوا مو انا اللي بدي انزعج وانهيت الموضوع بوعد حاسم بدون يمين بانه من الآن وصاعداً لا بتسمع و لا بتحكي بهالامور مهما كانت المبررات واذا اضطررت للتبرير بتقول حالف علي يمين
و للتوضيح قالتلي انو لما بتنحكى هالمواضيع بتنحكى بشكل عام انو مثلا (قال في منهم بيعملوا كزا و كزا بدون تحديد الاشخاص) بس انا حتى هيك رفضت
اتمنى من الاخوات المتزوجات بحسب خبرتهم و احاديثهم ينصحوني هل انا مخطى ام لا دينيا و اجتماعيا
بالرغم من قناعتي التامة بما فعلت
وبتمنى من الاخوة اللي عندهم ادلة باحاديث او آيات تزويدي بها لاني وعدتها بالدليل على ذلك
الله يجزيكم الخير ويحلحل كل مشاكلكم و حيرتكم
التعديل الأخير تم بواسطة روح الغالي ; 18-10-2007 الساعة 05:20 PM
17-10-2007, 11:41 PM
ضوابط المشاركة
العرض الشجري