السلام عليكم

ابي اقول لكم مشكلة اختي وارجو من الله ثم منكم حلها لانها تحب زوجها وهو كمان يحبها هم متزوجين قبل 12 سنة ولهم خمس اطفال وزوجها مستقيم ومحافض على صلاته ويحبها وتحبه بجنون وواثقه فيه ثقه مالها حدود
بس قبل خمس شهور بدا يقفل جواله ومرة طاحة على جوالة صدفه حصلت رسائل غراميه بالصادر والوارد لرقم بدون اسم مسكت اعصابها بس بعد اسبوعين ماقدرت تحمل واجهته وانكر وقال هذا واحد من زملاي بالعمل اعجبتني الرسايل اخذت منه وهدئت بس بعد مده حصلت مكالمات كل شوي باليل وبكل وقت
على نفس الرقم وصاحبة الرقم ترسل رسايل وحاطه اسمها المستعار بنهايت الرسالة
اختي تقول حسيت بالموت ونار تطلع من جوفها وواجهته قال انتي تشكين فيني ويحط اللوم عليها وهي ماتبي تخسره وهي طبعا ساكته ماقالت لهلها ولا احد بس في بدايت رمضان كانت على النت ودخلت علي بعض الملفات المحفوظه حصلت بعض المحادثات بالمسنجر محفوظه ومنسوخه بالغلط نفس الاسم حق الجوال يحادثها الساعة 12 ليلا بسوالف قذرة ولا يقولها حتى لزوجتة والله تقول وانا قاعدة اقراها حسيت نفسي اني تافهه ولا شي بحياتة وين ذاك الحب والله انها مخلصة معاه وتحبه وكل طلباته ملبيتها له وتقول ماني مخليه عليه قاصر حتى بالفراش تدلعه وتداعبه وهو مبسوط معاها بس ليش التناقظ
هي صارحتني بلحالي وقالت لاتقولين لاهلي ولا حتى اخواني تقول ماتبيهم يحقرونوه ولا يصغر بعيونهم
المهم هي ماصارحتة خذت الرقم ودقت على الحرمة ولا ردت عليها ارسالت لها رسالة وبختها ودعت عليها تقول يمكن يصحي ضميرها 0000000
اختي ماصارحت زوجها وجها لوجه ارسلت له رساله قالت كل شي بخاطرها بس ولا همة ويشوفها وهي تبكي ولا شي بالنهاية لمحت له يقول لها انتي مجنونة هذي خرابيط انتي حبيبتي ولا غيرك احد
ومشكلته انه ماتغير عليها بشي وهي صارحتني تقول حتى زوجك لاتعلمينه
وانا قلت لها ابي اعرض مشكلتك يمكن نحصل حل يريحك وانتم وش رايكم هل تكبرها وتطلب الطلاق او تدخل احد بالموضوع لانها قاعده تنهار حتى النوم والاكل حاربته

الله يجزاكم خير ردو عليها واسفه على الاطاله