ماعليكي اختي كلهم معاهم خدامات او مايبون يفشلون نفسهم <<< مو تزعلون امزح عاد
انا بسوي خير وببدأ
اولا: انا شخصيا احب التنظيف من قلبي بس المشكلة اني اتعب خاصة بعد ماجبت ولدي الله يحفظه صرت انظف كل اسبوعين او اكثر <<<< قمة الفشيلة وقالت بتسوي خير واحب التنظيف بعد
ثانيا: عشان اسهل على نفسي التنظيف احاول مااكثر اثاث بالبيت يعني مااحب التحف ولا احب الصور الكثيرة ولا الاثاث المعقد المزخرف بكثرة ولا احب اخزن عندي حاجات ماهي ضرورية احاول بقدر المستطاع اخفف عالبيت شوي واللي مااحتاجه ياارميه او اصرفه حتى الثياب
ثالثا انا بيتي صغير جدا
رابعا: بالنسبة للتنظيف اليومي ابدا بعد مااصحى من النوم وافطر ارتب غرفة النوم وافتح الشبابيك بعدين انتقل للحمام واذا فيه شئ وسخ انظفه ثم انتقل لغرفة المعيشة وارتبها انتبهي بس تريب يعني لا تكنيس ولا تمسيح واخيرا المطبخ اللي ماتخلص شغلته اغسل المواعين وامسح فوق الواليب بس والفرن عندي افرشه بقصدير وكل ماتوسخ اغيره
خامسا نجي للتنظيف الاصلي الاسبوعي او الشهري زي ماتبين انفض الستاير وامسح الشبابيك والمكيف بعدين امسح الطاولات او المكتبة والمرايات ببخاخ داك الازرق والخشب ببليدج بعدين اكنس الارضية وامسحها بمطهر داك بريحة البخور هذا بالنسبة للغرف والصالة
اما الحمام طبعا اسبوعيا انظفه لانه مايتوسخ دايما مافي الا انا وزوجي وولدي المهم اغسله بجل العملاق الاخضر
اما المطبخ عادي معروفه شغلته بس الدواليب عندي والدروج افرشها يابمفرش بلاستيك او جريده خاصة اللي فيه زيوت عشان مايتوسخ كثير بس اشيل الجريدة وامسح بخفيف
والثلاجة امسحها ببكربونات الصوديوم وشويه صابون فيري طبعا مو دايما في الشهر مرة واحط فيها صحن فيه بيكربونات الصوديوم مع ليمون واخليه يومين ثلاثة والريحة تروح بسرعة جربي وشوفي
والحمد لله رب العالمين هذا كل شئ اسويه بس ملاحظة لاتركمين الشغل والوسخ لوقت التنظيف حاولي تشتغلين وتنظفين بنفس الوقت وترتبين عشان يسهل عليك مررررررررررررة لما تجي تظفين نصيحة مني ومجربتها انا وامي الله يخليها هي اللي علمتني اياها
اتمنى اكون افدتك وشكرا...