ع
عارفه يا بنات انكم ما تقصدون تتعاملون مع ازواجكم باسلوب الطفل
لكن لا تخافين
كلنا تقريبا نسويها
السؤال هو
لماذا نعامل ازواجنا كأطفال؟
1
1- المرأه بطبيعتها تدربت وتعودت على لعب هذا الدور..وربما كانت تكافأ على ذلك
ع
عندما بدأتي تكبرين...مثالك الاول كان امك....تشاهدينها وهي تعتني باخوانك واخواتك...تعودتي على ان تلعبي دور المربيه..قد تنسين نفسك وحاجاتك من اجل الاخرين
واذا كانت امك نفسها تعامل والدج باسلوب الامومة...فطبيعي راح تتعزز عندج هذي النقطه ...وراح تتربين على انه اسلوب الامومه مع الزوج هو الطبيعي ...
وتبدئين اتطبقينه مع زوجج
منى تزوجت عبدالله من 3 سنوات...تشتكي وتقول(( انا تعبت ويا عبدالله...متى بيحس بالمسؤوليه ...وبيكبر!!! جد احس ولدي مو زوجي؟!
انا اللي افكر له...واخطط له...وارتب له...كل شي انا اسويه!!!!انا مو مرتاحه لهالوضع...))
سألناها... كيف كانت علاقة امها بابوها؟!
منى
( ممممم...ما اذكر انه الرومانسيه كانت موجوده بين امي وابوي....ابوي كان دايما مسافر لاشغاله...والوالده كانت دايما يا اما ترتب شنطته
ولا تطلع الملابس الوسخه منها بعد عودته...ولا تنظفهم ...ولا تسجل مواعيده المهمه وهو مسافر!!!كنت اذكر انها كانت تعامله مثلنا...تصرخ عليه
مثل ما تصرخ علينا!!))
اذا منى انتي باسلوبج مع زوجج وتقليد امج خليتي عبدالله جيه!!
***** اعتقاد خاطئ....لكي اكسب حب زوجي لا بد وان اعامله كطفلي الصغير******
سلمى متزوجه احمد من 10 سنين ...تقول سلمى( اذا توترت الاجواء بيني وبين احمد الجأ لدور الام...اطبخله الاكل اللي يحبه...ارتب ملابسه...احس انه الحب يكون من خلال هذا الدور!!))
2- نتعامل مع الزوج بدور الامومه ظنا منا اننا بنقيده بالسلاسل ونخليه ما يستغنى عنا
لما تلعبين دور الام في حياة زوجج..تظنين انه ما راح يقدر يستغنى عنج...وانه مستحيل يقدر يعتمد على نفسه بدونج
وعقلج الباطن يقول (( اذا سويت كل شي يحتاجه زوجي معناها مستحيل يتركني))
3- الرجل بطبيعته تعود على هالاسلوب خلال حياته ويستمتع بدور المدلل
خ
خاصه انها خلال طفولته والدته كانت تلعب هالدور...ويمكن انه شاف والدته تتعامل مع والده بهالاسلوب !!
كيف يكون اسلوب الامومه مع الزوج مدمر
يالله يا بنات
منو بتجاااوب؟؟!!!!
28-10-2007, 06:50 PM
ضوابط المشاركة
العرض الشجري