المشاركة الأصلية كتبت بواسطة ام المهدي

اختي سالفة البنيه شيء مو مهم
ياما ناس بنيتهم ما شاء الله ضخمه و زوجاتهم صغيرونات يا حليلاتهم بس مرتاحين مع بعض يعني مو هذا السبب اللي ينرفض شخص علشانه
لــكـــــــــــن المصيبه لو كان الكلام اللي سمعتوه صحيح ..!!!
بالصراحه هالشيء ما ينسكت عنه
خلي اخوك يتحرى و يتحرى اكثر في الشركه و يسأل اكثر من مدير و مو معقوله كلهم بيتبلون عليه
يعني ما ابي احط في ذمتي بس مافي دخان من غير نار
و انتي لسه ع البر
و لسه ما صرتي زوجته و ش اللي جابرك تقولين انه يمكن يتعدل بعد الزواج ..!!
اما سالفة ان اهله متربين و انه غيرب انه يطلع من بينهم هالشخص فلا تستغربين تصير كثير
يا خوفي تملكين على امل انه تعدل و بعدين تندمين
الحين لا تربطين نفسك بالملكه علشان رفضتون الخطاطيب اللي قبل علشانه و بعدين صفيتوا بولا شيء
لا يا اختي اهم شيء راحتك النفسيه للخاطب
انا شخصياً انصحك تستخيري اولاً و تحكمي عقلك ثانياً بعيد عن قلبك
و خلي اخوك يسأل اكثر اذا اجمع الأغلبيه انه راعي بنات لا تورطين نفسك معاه
روحي شوفي قسم المتزوجين كيف الزوجات مسكينات يعانون من ازواجهم اللي كانوا راعيين بنات ولا تركوهم حتى بعد الزواج لان هالنوع ما تملي عينه وحده

الله يسعدك مع اللي كاتبه لك و كل شيء في النهاية نصيب

تحياتي