صح000أم خطأ0000ردة فعلي مع عاشق النساء
بأدخل في الموضوع على طول
زوجي يخونني في الفراش000((شي عادي صار عندي بعد ماكان من أكبر المصائب))
يعني بعد كل أسبوعين يغيب يوم كامل عندها وأنا متأكده 100% وماهي زوجته يعني بالحرام
برضوا عاااااااااااااادي جاني تبلد
في البدايه كنت أروح لأهلي ويجي ويتسامح دخلت ناس ثقه كلمت أمه ((والده متوفي)) يعني مافي فايده مستحيل 00
والطلاق منه مستحيل000لان الوالد والوالده يبغوني أعيش معاه واصبر
((بعد عشرة خمس سنوات وبعد البحث وتجربة جميع المحاولات النتيجه كالتالي))
زوجي معترف بعشقه للنساء والخلل ماهو فيني هذا طبع وعاده
عنيد جدا يعني اللي في راسه يسويه ومايفكر في العواقب كأنه يقول(( ذا الشي فيني رضيتي أم أبيتي))
حقود00 هو في باله(( أنا موفر لك أغلب متطلباتك وأخرجك وانت عليك بالظاهر والباطن بيني وبين ربي))
كنت أول كل مايغيب أزعل ساعات أصارحه وساعات أهجره وساعات أواجهه بعنف وساعات أبحث عن الاسباب وأدور وش فيني ناقص وأكمله مع الدعاء يعني شغاله على طول كله في سبيل استرجاعي له
ومافي فايده والآن خلاااااص تعبت 0000وعندي ايمان قوي زوجي مستحيل يترك هالطبع الا اذا ربي هداه واقتنع من نفسه00
حابه استشيركم
لي اسبوع متجاهله خيانته أعامله كأن شي ماصار حتى لما رجع من آخر نومه سويت نفسي مو مهتمه وماعندي علم واستقبلته بابتسامه ورحبت فيه والامر صار عادي جدا قلت في نفسي يمكن يراجع نفسه في يوم من الايام ويمكن الطيب يجيب نتيجه معاه 000هل اللي سويته يخليه يتمادى أكثر؟
مع العلم حسيته مبسوط مني والمكافآت اللي جاتني منه وكلام الحب شي مو طبيعي كأنه يدفع ثمن سكوتي000
وش رايكم؟
وتكفون لا تقولون ألبسي 00أغريه00 خليك جريئه 00جددي00أشبعيه 00أهجريه كلميه وبيني له الشي اللي يسويه حرام ودين 00،أنصيحه00أطلبي الطلاق 000لاني على طول كذا ومااااااااااااااااااااااااااااااااااافي فايده
وهو يحبني والمصيبه يموت فيني ياكافي هذا وهو يحبني لو مايحبني كيف؟
وفيه جوانب ايجابيه كثير وهذا اللي مصبرني
أدعولي بهداية زوجي
__________________
(سيدة الموقف)
لم ننساك ونسأل الله ان تكوني أنتي وأولادك بخير
10-11-2007, 08:18 AM
ضوابط المشاركة
العرض الشجري