أريد النصيحة مشكلة جديدة وللإجانب لهم ضلع فيها؟
السلام عليكم
صديقاتي العزيزات وأخواتي الحبيبات في هذا المنتدى
اناعارفة اني مللتكم من مشاكلي مع زوجي لكن ليس لدي احد غيركم بعد رب العالمين لكي تنصحوني كي
لا أهدم بيتي انا من النوع الي جدا حساس وبغار صراحة يعني مافي زوجة مابتغار على زوجها
المهم الموضوع انتو عارفين حالياً اي مسلسل اي إعلانات أي شي في الشارع في السوق هناك الكثير
من الفتيات يعني الله يستر على الجميع انا انا البنت لما شوفها بتشد انتباهي فمابالك بالرجل وهي يعني
ماشية امام عينو زوجي بحب الجمال وهو من النوع اذا شاف شي لازم يعطي رأيو يعني هاد حلو هي حلوة
وانا بغار كثير بنقهر بحس شي جواتي متل النار على التلفزيون نفس الشي يعني بئولها بطريقة مو عادية
طريقة تغيظني وبحاول اني كأني ماسمعت شي وعادي وبمشي الموضوع لكني مابقدر والله وعم شوف انو
كل ماانا زدت وزعلت وعصبت هو بزيد بهل الموضوع بس هيك عناد ولما احكي معو بالموضوع بقول انتي
ياحبيبتي ليش ماعم تفهميني هاد كلو حكي وبس شو بدي فيهم ومابعرف شو من هل الحكي طيب ليش
لكان بتتغزل فيهم وانا موجودة بس إلي زاد بالموضوع انو امبارح قاعدين عم نحضر فيلم اجنبي بتطلع وحدة
يمكن تكون كبيرة بالعمر بس مو باين عليها يعني لان الاجانب بيعتنو بحالهم وعمليات ورياضة حتى لو كبروا
صار يحكي انو شوف الاجانب هاي عمرها يمكن ستين مو باين عليها مو مثل العربيات بعد اول ولد بتبين
عمرها 500 سنة طيب ليش كل هاد ماانا مرتك جنبك وعربية والحمدلله بفتخر اني مو هل النوعية يلي
بالتلفزيون على الاقل إحتراما إلي لا تحكي هل الحكي والله زعلت وإدايئت وحاولت اني ماابينلو بس مائدرت
وبالاخر صار يقول مدام زعلتي وقلب شكلك يعني انقلب علينا نكد طيب مين الي جاب النكد انا ولا هو ليش حتى يحكي هل الحكي وهو بيعرفني اني بدايئ منو واخر شي بحط اللوم علي وبئلي انتي نكدية
الله يخليكم شو التصرف يلي المفروض اعملو في الوقت يلي بيحكي فيه على الجمال وعن هل الاشياء ازعل واعصب ولا اشاركو بالموضوع واعطيه رأي انا كمان ولا اسكر التلفزيون خليه يعصب بزيادة ولا اطنش ولا شو اعمل الله يخليكم كيف اتصرف معاه والله امبارح لدرجة اني انقهرت وقلت له عاجبينك الأجانب والعربيات لا روح اتزوج وحدة اجنبية والله موتني شو الحل برأيكم وهو من امبارح لا انا حكيت معو ولا هو شو الحل وشو العمل أرجو انكم ماتدخلو وتطلعو من غير ماتكتبو رأيكم والحل ومين الغلطان الله يخليكم مالي غيركم ؟؟
أختي ام جمانة لاتنسيني
الف شكر للجميع
__________________
--------
21-11-2007, 09:03 AM
ضوابط المشاركة
العرض الشجري