المشاركة الأصلية كتبت بواسطة shila di luna

عزيزتي غموض هاي اني وياج مرة ثانية والله مافتحت الجهاز ولا طبيت الا عشان اكتبلج والله



يالغاليه هلا بك في اي وقت على العين والراس والله



مثل ما قالت الاخت بحرينية ولكن هذا حالنا احنا المتزوجات والله العظيم الان اكتبلج وابجي


لا يالغاليه مافيه شي يخليك تبكين عسى دموعك ماينزلون على غالي قولي امين
الموضوع كله لو دريت انه يزعلكم لهدرجه ماكتبته
تراكم والله صرتوا بغلات خواتي


ياريتج شفتيني قبل الزواج وبعده والله صار لي اربع سنوات ونص متزوجة والله ما شفت فيهم يوم راحة. اما منه او من اهله

ولا تقوليلي اهله والله جرح ما منه شفا والله سرطان وما تبرين منه والله شوفوني الويل والى الان مستمرين




الله يعينك يالغاليه وفرج همك ويصبرك ويقويك لاتزعلين الحياة هذي هي كلها مشاكل بمشاكل تدرين متى الراحه باذن الله عند اول خطوة باب الجنه باذن الله قولي امين عساني وعساك من اهلها يارب


مرات افكر انا من جنت ببيت اهلي جنت معززة مكرمة مالي لاهم ولا قهر وامي هي امي وابوي هو ابوي تعالي شوفي الان مع اهله حشا ما يشوفوني زوجة ابن لا كل تفكيرهم اني داخلة عليهم عشان افرق بينهم وبين ابنهم هذا لاني غريبة عنهم انا من بلد ثانية غير بلدهم والله حلكي يبس من قولة والله العظيم مو هذي نيتي

وبالنسبة لزوجي فهو دائما مسافر ما موجود عندك اليوم الصبح مثلا سافر ايطاليا الله العالم متى بيرجع يعني انا دائما لوحدي




لاتقولين لحالي معاااااااااااك ربي ان شاء الله يالغاليه
معاااااااااااك خوات واخوان بالملايين بالمنتدى



وعالعيال عندي بنت عمرها ثلاث سنوات والبلد اللي عايشين بيها الحياة صعبة زوجي يضطر يسافر بعيد حتى يشتغل وانا اشتغل باليوم عشر ساعات والله النهار يمر عليا ويل من افكر ببنتي وياترى ايش تسوي الان

والان شهر 11 الجو برد عدنا وصلت درجة الحرارة اليوم 6 درجات وامطار مستمرة صارها ثلاث ايام وانا بالليالي الباردة ما اجيب بنتي للبيت اخاف عليها من البرد خصوصا الى الان ما عدنا سيارة _(والله ببيت اهلى سيارتين عالباب ) تخيلي الليل اشلون يمر علي من افكر انها صار لها يومين ما شايفتني والليل هي نايمة بروحها



يالبى قلبها المسكينه الله يخليها لك ويفرح قلبك فيها
ويعينك على هالحياة ويعوضك خير
بس مافهمت عليك الحين البنت تاركينها بالبيت لحالها يومين كاملت والا عند عمامها بس مشفتيها


تخيلي حالي من احجي ويا بنتي بالتلفون وتقوللي ماما متى تجين تاخذيني


ياقلبي عليهااااااا وربي صدري ضاق من كلمتها

انا ما اقول انك غلطانه لا حشا انت ايضا محقة بوضعج وبكلامج
صحيح حال البنات في بلادنا صعب خنقة ما تاخذ البنت نفس الا من تتزوج ومو كلها تلاقي الزوج اللي يحط تحت رجليها البيت والسيارة والخدم اللهم الا قسم من الدول العربية صح الحياة فيها سهلة للمتزوجات بس حتى غادي المتزوجات مو براحة بسبب ظروف اجتماعية خاصة تقلق راحتهم

عموما اتمنى ردي يكون اخف عليج هالمرة وادعيلج من كل قلبي ان ربي يرزقج بالزوج الصالح والاهل الطيبين وبالعيال ان شاء الله