بناتي بناتي ساعدوني
السلام عليكم ورحمه الله وبركاته
الى جميع اخواني واخواتي في المنتدى راح اعرض عليكم مشكلتي واتمنى انكم
تساعدوني في حلها
انا ولله الحمد تربيت في بيئه متدينه ومحافضه جدا والحمد لله اثرت هذي التربيه
في وتزوجت من زوج ولله الحمد خلوق وطيب وانجبت ثلاث بنات طبعا بعد سنين
من زواجي واناوالله اخاف عليهم خوف غير طبيعي وانا احاول واجتهد اني اربيهم
احسن تربيه طبعا كل ام واب ودهم يربون ابنائهم احسن تربيه
من البدايه التلفزيون مايشاهدون الا قنوات المجد والملابس ولله الحمد محتشمه
اغاني معلمتهم ان سماعها حرام وكانت الحياه ماشيه طبيعي
بنتي الكبيره عمرها تسع سنين احيانا توقف عند
المراياوترفع ملابسها فوق الركبه وكم اليد كذلك اسالها
ودك تلبسين العريان والقصير تقول لا طيب ليه تسوين
كذا تقول ليه فلانه تلبس قصدها سلفتي زوجه اخو زوجي
وانا القصير والعريان ما البسه الا عند زوجي وبناتي وبتحفظ
ومره كانت عند بناتي بنت عمهم واسمعها تغني اغنيه وتقول
لهم ان المغنيه الفلانيه سوت وفعلت والله زعلت واحترتايش اسوي
حتى اسم المغنيه حفضوه من كثر مايسمعونه حتى البنات في
المدرسه ماقصرو ممكن تقولون عني متشدده او اي شىء بس والله
اني خايفه من رب العباد يوم الحساب لاني انا المسؤله عنهم
فكرت اني امنعهم من الذهاب لبيت عمهم بس كذا ممكن يتعلمون
القطيعه والمصيبه ان بنت عمهم الي عمرها ثماني سنين تحكيهم
عن بعض قنوات الاطفال والبلاوي الي فيها مع اني كلمت والدتها
وحذرتها من هذي القنوات ....
ارجوا من الجميع ارشادي ونصحي....
31-12-2007, 04:36 AM
ضوابط المشاركة
العرض الشجري