السلام عليكم ورحمه الله وبركاته

المشكله هذي مشكله صديقتي مع زوجها وماتعرف مين تسال لانو الموضوع هذا مره حساس ارجو انو تلقولها حل --راح اتكلم على لسانها لسرد قصتها

انا متزوجه من سنه ونصف زوجي يدخن بالخفاء يعني عايلاتنا مايعرفو انو يدخن المهم اول زواجنا اكتشفت انو يدخل الحمام ويدخن فيه بس يجلس في الحمام اكثر من نصف ساعه لما شكيت في الموضوع حاولت اعرف الحكايه من غير مايحس المهم اكشفت انو يخلط ماده لونها اسود او بني غامق وهي زي العجينه يخلطها مع الدخان
حاولت اعرف في النت ايش هيا واكتشفت انها حشيش سكت عالموضوع لمده سنه وبعدها واجهته وانكر ...مرات يهيج علي ويقول ليش تتجسسي على اغراضي ومرات ثانيه يقنعني ويقول هذا دخان عراقي وانا للامانه لحد الحين ما اتاكدت ايش هذا الي معاه والله يزيدني جهل في الاشياء هذي
المهم لحد الحين زوجي ما بطلها ويروح يدخنها مع اصدقائه
وانا مادري كيف احل الموضوع واخليه يبطل هل بالترهيب او الترغيب
ملاحظه زوجي ولد عمي ويهمه سمعته كثير عند اهلي ويحب انو يكون كامل في كل شي قدامهم
من كلامه معاي احسه يبغى يتغير بس مايقدر
هل هذه الماده الي يدخنها يدمن عليها الانسان وهل هيا فعلا حشيش وهل يقدر يتخلص منها بسهوله
الله يجزاكم خير ساعدوني كيف ااثر عليه ويبطل السموم هذي والله اني ادعي له في اخر الليل انو ربي يتوب عليه ويكرهه في هذي الاشياء
انا ما اقدر اصارح اهلي لانو ابغى زوجي يبين عندهم بصوره محترمه متامله انو يترك الشي الخطير هذا من غير ما احد يعرف عنه شي
انا معاي قطعه من الشي الي يستخدمه هل تنصحوني اواجهه فيها مع انو العواقب يمكن ماتكون طيبه بس سكوتي خلاه مايفكر يبطل