مشكلتي ان زوجي عنده دوامين يطلع من الصباح ومايرجع الا الساعة 3 ونص او اربع
نتغدى مع اهله وعلى طول نطلع لبيتنا عشان ينام ويرتاح
ودوامه الثاني يطلع من البيت الساعه 6 الا ربع ومايرجع الا الساعه 11 او احيانا يتأخر الى 12 او 1 اذا كان يبي يروح للاستراحة عند اصدقائه ويجي تعبان وجوعان بس يبي ياكل وينام

احنا بيتنا طابقين امه وابوه واخته تحت واحنا بالطابق الثاني
فلما يروح الصباح لدوامه ارتب انا البيت وانام الى الساعة 11 او 11ونص ولما اصحى انزل عند خالتي (ام زوجي) عشان نبدأبتحضير الغدا ونقعد الين يجي زوجي نتغدى بعدين نطلع فوق ينام ولما يروح للدوام الثاني اقعد اذاكر واحوس بالبيت او انزل عند اهله
الزبدة : اني مااشوف زوجي كثير واحيانا مااشوفه الا وقت النوم
ودي ان يوم نتغدى سوا او نتعشى سوا نقعد مع بعض نسولف
ودي اقوله بس اخاف يزعل مني انا عارفة انه موقاعد يلعب بالعكس اشوف انه يتعب واقدر هالشي بس انا والله احس اني مشتاقه له
مرة جربت وقلتله اني مشتاقتله ومن زمان ماقعدنا سولفنا مع بعض
قاللي: حسستيني اني مقصر بحقك وانا والله مو بيدي انا قاعد اتعب واشتغل عشان مانحتاج احد وعشان اجيبلك كل اللي تتمنيه


عشان كذا انا ماابغى اقوله عشان ماابغى احسسه انه مقصر معي

وش اسوي علموني

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]