حبيبتى كوكار الف شكر على ترحيبك بيا و ان شاء الله نطمن عليكى ونباركلك قريب باذن الله

انا يا ستى متزوجة من 7 شهور وجوزى عنده العدد قليل شوية و الحركة كانت قليلة بس بعد العلاج اللى اخذه لمدة 3 شهور الحركة زادت و الحمد لله
اما انا كان عندى هرمون الحليب مرتفع شوية او خلينا نقول كان فى شوية افرازات زى ما الدكتور قاللى المهم اخذت دوستنيكس و الحمد لله الدكتور قالى طالما الدورة منتظمة ف ان شاء الله مفيش قلق بس حقيقى انا اضطريت انا و جوزى نغير الدكتور لاننا حسينا انه مش عايز يبذل مجهود معانا و عايز يريح نفسه و خلاص فاقترح علينا نعمل تلقيح صناعى رغم ان جوزى العدد عنده مش قليل لدرجة اننا نعمل تلقيح علشان كده قولنا نغير الدكتور و نروح لدكتور تانى و نشوف هيقولنا ايه حقيقى استريحنا انا و جوزى من كلام الدكتور الثانى و الحمد لله و وقتها كتب لجوزى على فيتامينات زنك و مضاد للاكسدة لمدة شهرين و ان شاء الله يحصل الحمل قبل الشهرين ما يخلصوا و كمان عمل لى سونار على البطن و الحمد لله كل شيئ تمام و قالى انى اروحله تانى فى اليوم 12 من الدورة علشان يعملى سونار داخلى وان شاء الله اروحله قريب بس ادعولى انه ما يكنش فيا حاجة و حشة و يطلع كله سليم باذن الله
معلش طولت عليكو بس حبيبت انى اعرفكو بنفسى اكثر

رب لا تذرنى فرداو انت خير الوارثين

__________________