و الله قريت مواضيع كتير و أصحابها كانوا بيدافعوا عن وجهت نظرهم بشكل مستميت كأنهم مش هم اللي طلبوا المساعدة من البداية

لدرجة إنك تلاقي عضو يقوله " يا أخي إذا مصر طرحت الموضوع ليه ؟"
يرجع يرد " محدش فاهمني , انتوا فاكريني بلعب أو بهزر , يا جماعة أرحموني "
أو تلاقيه يطرح موضوع منفصل يضرب بكل الآراء اللي أصحابها تعبوا في كتابتها عرض الحائط
و يقول : أنا مشيت اللي في دماغي لأن محدش فاهمني و انتوا هاجمتوني جامد و اللي حصل كذا كذ "

و ده شفته الأسبوع اللي فات بالنسبة لموضوع استشارة جواز معظم الأعضاء عارضوه أو طلبوا منه يأجل و هو بعد ست سبع صفحات ردود نفذ اللي في دماغه , طيب تعبت الناس معاك ليه من الأول !!!

و في ناس محترمة زي الفل تلاقيها بتعمل بالنصايح و تجرب و ترجع تقول النتايج و تتابع الموضوع باهتمام مستنية حلول جديدة تساعدها

شكرا أخي عزوبي على الطرح الأكتر من رائع