أزيك يا نوتي عاملة أيه
أقولك أزاي نتأقلم مع الوضع الجميل اللي أحنا فيه
بصي يا ستي
عارفة قال فيه - لا مؤاخذة يعني - حيوانات بتتكيف مع الوضع اللي هيا فيه
لو عايشة في صحرا تلاقي مش بتحتاج ميه كتير و تلاقي لونها أصفر عشان تتخفي من الأعداء
ولو عايشة في الخضرا تلاقي لونها أخضر و لو في البحر بيبقي تركيبها مناسب للعيشة في المية


فأحنا نعمل زي المخلوقات دي
يعني بدل ما الواحدة تتعب نفسها و تتزين بلاش زينة خالص
عودي نفسك علي لبس مفيهوش زينة و أنتي حتاخدي علي اللبس ده
و لو بتتضايقي من كلام الناس أبعدي عنهم
أي حد حيحرق دمك أبعدي عنه خالص


صدقيني لو عملتي ده سيستم حياتك حتعيشي كدة عادي
خالص وحتبقي هيا دي حياتك


وحاولي تدوري علي شغل أنتي ليه قاعدة في البيت للهم و النكد ده
ولو حد ضايقك في الشغل ردي عليه بالمثل عشان محدش يتجرأ و يضايقك




وحقولك علي حاجة تعمليها لما تحسي انك نفسك تسمعي كلام رومانسي
في مواقع فيها شعر و كلام من ده
شوفي كام بيت شعر حلوين و اقعدي احفظي فيهم
وممكن تجيبي صور فيها ورد وتحطي عليها الكلام ده

عشان لما ييجي عريس المستقبل
يبقي انتي عارفة كلام حلو تقوليه
بدل ما نضيع عمرنا في النكد و الزعل

__________________
انا منتدي عالم الأسرة و المجتمع