اليوم حفل تخرج أختي ومارحت ماعزمتني:(
السلام عليكم
من فترة حدث بيني وبين اختي خلاف واحنا دايم نزعل من بعض وبعد عشر دقايق نرضى
الا هالمرة وكل ماجيت بيت اهلي وحاولت اسولف معاها ماترد علي وتطنشني
حتى امي ماتكلمها( لموضوع بينها وبين امي) اي انثى في البيت ماتكلمه الا ابوي واخواني
ولقيتها مرة عالماسنجر قلت لها شفيك انت علي؟ مريضة؟ ومن بعدها حظرتني!!
المهم السالفة لها شهر اذا جيت تسلم علي بس
اليوم حفل تخرجها من الجامعة ومرة انا فرحانة لها ونفسي اشاركها فرحتها
وماقالت لي!! امي امس دقت علي وقالت تروحين معنا << امي تبغى تجبرني
قلت انا لاماني راحية ماقالت لي اختي شي
جا اليوم انا عند اهلي وامي تحاول فيني قررت اروح بس اسمع اختي تقول بنت عمي فلانة تبغى تجي وماتكفي البطاقات يوه شسوي وكل شوي تعيدها
قلت لامي ماني رايحة خليها تعطي بنت عمي
المهم فتحت النت القاها عالماسنجر يعني ماتكلمني وانا في نفس البيت
تقول هاه بتجين الحفل ولالا؟
تخيلوووووووو
قلت ماحد قالي ولاعزمني ؟ قالت الا امي
قلت انت الي بتتخرجين امي مالها علاقة قولي لي بشريني قولي عندي حفل تخرج
قالت اخلصي تروحين ولااصرف البطاقة!!!
قلت صرفيها
والحين راحو اهلي كلهم وانا لحالي في البيت
وربي اتمنى اشاركها الفرحة مرة متضايقة وحزينة
لاتقولون كان رحتي اروح لايش؟ لوحدة ماتبغاني اروح؟ لوحدة حتى ماعطتني خبر؟
لوحدة ماتكلمني؟
والخلاف اللي بيني وبينها خلاف عادي جدااا وهي كانت الغلطانة المفروض انا اللي ازعل
علما بان كانت عندنا حفلة من فترة وكلمتني لأنها تبغى اغراض مني وانبسطت واعطيتها وفي الحفلة تسولف وتضحك معي بس رجعنا البيت انقلبت0
بس حبيت افضفض متضايقة
__________________
اللهم لك الحمد والشكر
"ولئن شكرتم لأزيدنكم"
22-05-2008, 06:48 PM
ضوابط المشاركة
العرض الشجري