السلام عليكم
زوجي من بعد 6 شهور من زواجنا قالي ابغى اسافر مع االشباب ( وايام الملكة كان دايم يقولي بعد)
واقنعته انه الامر صعب خصوصا لسى عريس ماكملت سنة
وانا اصلا ماحب السفر نهائيا لرجل بدون زوجته بس عاد مابيدي حيلة
الان بعد مرور فترة اطول واصدقاءه بيروحون طبعا اخونا في الله يبغى يروح
خلال الفترة السابقة يحاول يقنعني بجميع الطرق الين رضخت للأمر الواقع وقلت روح ان شاءالله تنبسط
وطبعا هالكلام ماهو من قلبي وهو عارف هذا الشي ودايم يقول تعبت وانا اقنع فيك ومافيه فايدة

يوم الأحد الماضي قالي بيسافرون الشباب كم يوم وبروح معاهم مانطقت ولاكلمة
وحاولت وضعي يكون طبيعي وبعد مرور نصف ساعة واحنا جالسين لاشعوريا وخارج عن ارادتي
عيوني تدمع امسح وتدمع كأنها سيوووووول بدون صوت ولابكاء ولاشهقة ولاشي
والله غصب عني بيسافر دولة عربية معروف عنها الفساد والشراب وعرض بناتهم الله يحفظه بحفظه
والشباب يخربون بعض يعني ممكن يغلط
المهم قالي ايش فيك قلت ولاشي حاول فيني قلت له عشانك بتسافر
سكت مارد علي.. خلال ساعة وحدة بس غصب علي تغيرت عليه اقوم بواجباته وبكل شي بس ماضحك ولااسولف ولاافرفش زي العادة
يوم بغينا النوم ماكلمني! ولاتصبحين على خير؟ ودايم يذكرني بالأذكار وماقالي؟ ولانطق بحرف
صحينا من النوم اخونا في الله مايطالع بوجهي!!
يكلمني عادي بس بدون نفس مايبتسم مايضحك مايسولف!
طيب انا شسويت؟ ماقلت له لاتروح؟ وليه وشلون ؟ ومتى ؟ ساااااااااكته وانا بقلبي مقهورة
تحملت وانا ماتعودت على هذا الطبع يوم جينا نتغدى قلت له شفيك قال ولاشي
قلت ابتسم بوجهي ابتسم ابتسامة صفررررررررراااااااااااااااااااء
وبعدها انا صرت اعامله بمثل مايعاملني ليه احرق نفسي عشانه!
المشكلة سبق وصار نفس الموقف وماكلمني الا بعد ماجيت وبكيت وترجيته يتكلم
لكن هالمرة مابغى اسوي هالحركة انا ماغلطت ولاقلت ولاكلمة
انا عارفة يبغى يقنعني بسالفة هالسفر بس من سابع المستحيلات اقتنع
قبل ماتزوج وانا اكره سفريات الشاب لوحده! كيف بعد ماتزوجت؟

ساعدوني ؟ شسوي؟ حالتي في البيت متأزمة والله مايحط عينه بعيني لكن مااظلمه قائم بجميع واجباته
بس من جد تعبت وصدعت
الله يكرهه في السفر دايم مشاكلنا على هالسفر حسبي الله على اصدقاءه الله يشغلهم في انفسهم

__________________
اللهم لك الحمد والشكر
"ولئن شكرتم لأزيدنكم"