أمي و أخى المريض نفسيا وزوجته - منتدى عالم الأسرة والمجتمع

19-07-2008, 01:18 AM

#11

المصرية

عضو متألق

تاريخ التسجيل: Mar 2006

المشاركات: 5,125

أختى الحبيبه المحبه للأستغفار
أولا ربنا يشفى أخوكى اللهم آمين
ويعطى امك ووالدك الصحه والعافيه ويطول فى اعمارهم حتى يطمئنوا عليكى فى بيتك بإذن الله

ويصبر زوجة اخوكى ويجعلها خير زوجه له وتقدر تتحمل زوجها مدى حياته وربنا يكافئها على تحملها رجل مريض والله من يعلم بنوايه البشر وان كان نيتها خير فالله يعطيها الصحه والصبر ويوسع رزقها

اما انتى يااختى فأنتى بالطبع انسانه طبيبعيه وتحبى اخوكى جدا كمان
لكن احيانا بتلهينا مشاكلنها لدرجة ان نصبح لا نهتم او نتعاطف مع الآخرين رغم انى لا اؤيد ذلك
لكن انا قصدى افهمك انك انسانه سليمه

وطرحك للموضوع يدل انك تريدى حل ونحن ان شاء الله
معاك إلى ان تصلى إلى الطريق الوسط بين امك واخوكى المريض وزوجته
لكى ترتاحى و امك تطمئن

اختى اعذرى امك صدقينى يااختى انتى بس مش حاسه بنارهااى ام فى الدنيا لما بيرزقها الله بأن غير معافى ومريض نفسيتها بتدمر والنار اللى جواها بتلقيها على وجه اى حد وممكن تقسو على ابنائها من آجل هذا المريض للأسف هذا كله بدون قصد لانكم عندها حته من قلبها وتحبكم اكثر من نفسها

لكن امك دائما شاغل بالها بعد الشر عنها بعد عمر طويل ليها بعد ماتموت ماهو مصير اخوكى المريض انتى واخواتك مصيركم للزواج ام هو ربنا يعينه مريض من منكم سوف يتحمل مريض فى بيته حتى لو كان اخوكى
اكيد زوجك لا يتحمله وباقى اخونك سوف لا يتحملونه

فلذلك تصرف امك صحيح 100% بأنه يتزوج من آجل ان يجد زوجه ترعاه بعد عمر طويل ليها
وكمان يااختى امك نفسها تحنن قلبك على زوجة اخوكى عشان اى زوجه اخ
عندما تجد اهل زوجها يحبونها ذلك يعطيها قوه للبقاء والاهتمام بأخوكى اكثر أما ان وجدت عدم حب منك ومن اخوانك فما اللى يجبرها على البقاء معكم فالزوج مريض واهله لم يحبونى فلماذا انتظر فى هذا البيت وساعتها هاتنسحب من حياتكم وتطلق وساعتها بكل صراحه انتم الخسرانين لان وضع اخوكى من الصعب احد يتحمله حتى اخوانه فهذا لمصلحة الجميع زوجه لهوا

تعالى بقى نشوف الحل ايه ؟
هل يصح نجبرك انك تكونى دايما لذيذه وبتضحى مع مرات اخوكى حتى توصلى لها انك تحبى بالتأكيد لا
لان اى انسان بيمر بظروف مابيكونش طايق يصبح على امه حتى

فالحل انك تحترميها وتقدرى ظروفها لو يوم حاسه انك عندك مزاج تتغدى معاهم فلا تحرميهم من جلوسك من سوالفك من كلامك الطيب فأنتى طيبه ورقيقه والله بس محتاجه تشجيع تطمئنى على اخوكى وزوجته اتكلمى معهم فى اى شيئ
وعندما تكونى مضايقه وزهقاااانه ابعدى عنهم وتجنبى الحديث معهم حتى مع امك وساعتها زوجة اخوكى هاتفهمك وهاتعرف ان محبه للأستغفار بحالات

مبسوطه بتيجى تقعد معانا

زهقانه وقرفانه بتبعد عنا وبنخاف نقولها صباح الخير حتى

وكمان يااختى تعالى اقولك كلمه فى ودنك

انتى كده كده مااااااااااشيه من البيت ده وعايزين قبل مانلم عزالنا ونمشى نسيب سيره طيبه يفتكرونا بالخير ويشتاقوا لزيارتنا :14:
فتحملى زوجة اخوكى الشويه اللى فاضلينك فى بيتك اهلك بدل ماتسبلكم اخوكى تشيلوا همه العمر كله

وأسفه على صراحتى اختى واتمنى لاتزعلى منى

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه