المشاركة الأصلية كتبت بواسطة رومانتيك

والله يا جماعه مش عارفه اقول ايه..غير اننا احنا اللى بنحط نفسنا فى المواقف دى بإيدنا معلش احنا فى عام 2008 يعنى خلاص كل البنات موجودين فى الشارع رايحين وجايين مافيش واحده الا وبتخرج اللى فى الدراسه وللى للعمل واللى بتخرج لمجرد الخروج يعنى خلاص مابقيناش متخفيين
يعنى بسلامته اللى عايز يشوفها يبقى ينتظرها فى الشارع ويتفرج عليها طالما الجوازه قايمه على الشكل لا أكثر ولو عايزه امه تشوفها تبقى برده تنتظرها فى الشارع ولا المكان اللى هيه فيه وتتفرج عليها على فكره انتوا عارفين الكلام ده كلام والدى الله يكرمه كان يرفض تماما حكاية ان واحده تيجى البيت هيه وابنها ولا بنتها عشان تتفرج علينا وتمشي وكان دايما يقول انا مش فاتح معرض ولا دكان ولا بناتى سلعه عرضه للفرجه بالرغم من اننا 3 بنات وكان دايما يقول اللى لينا نصيب فيه هييجى هييجى واننا فى الشارع بنروح ونيجى والناس عارفانا يعنى اللى هيدله علينا هيعرف يخليه يشوفنا من غير ما يدخل البيت ويجرح حرمته وكمان يجرحنا انه جه اتفرج ومشي
وبصراحه انا مقتنعه برأيه جدا ...اهه على الاقل لما هيشوفها فى الشارع راحه ولا جايه هيشوفها على طبيعتها من غير ترتيب لمقابله بقى ولبس وزينه مخصوص عشان العريس لأ هيشوفها فى حالتها العاديه والله عجبته يجيب اهله ويتقدم ولو ما عجبت يبقى خير ما انجرحت البنت ولا زعلت لانها فى الاصل ما عرفت