أنا أشوف إنه كل وحدة أدرى بزوجها .. في رجال يحبوا الحركات هادي وينبسطوا عليها بس في رجال ما تعجبهم ويقولوا سخافة وفي رجال ما تفرق معاهم سويتي عادي ما سويتي ما يدور عليها..

أنا كنت دائما اقرأ في النت عن الحفلات الرومانسية وكيف الحريم يبذلو مجهود ويحضرولها وكدة .. وانا ما عمري سويت لزوجي وهو ما يطلب.. فقلت خليني أجرب اسويها مرة واشوف ردة فعله..

فجربتله حاجة بسيطة كدة شوية شموع واضاءة ولبس وشياكة..الرجال اتفاجأ واتلخبط ..وجاملني وشكرني وعادي مرت الليلة..بس ما حسيته مرة انبسط أو كان شي غير بالنسبة له وما عاد ذكرها تاني ..

فعرفت إنه ما تفرق معاه وقلت لنفسي أجل ماله داعي اتعب نفسي ..

بس في المقابل اعرف إنه مرة يهتم في لبسي وشياكتي و في اهتمامي فيه من ناحية استقباله ببوسة مثلا وزي كدة..

الخلاصة إنه كل رجال يشوف الرومانسية من منظاره ..

وكل زوجة لازم تعرف لزوجها..

الله يسعد جميع الأزواج..