مشكلتي مع زوجي بسبب خروجه المتكرر هل انا مخطئه
تعبت أريد حلا ونفسيتي والله زفت والكل ملاحظ علي وترددت كثير قبل لأكتب معاناتي اسمحوا لي باطول في شرح مشكلتي حتى تكونوا في الصوره واتقبل ارشاداتكم بصدر رحب مشكلتي مع زوجي اني ماني قادره انسى اللي سواه فيني رغم انه يحاول يراضيني قصتي انا متزوجه من 6سنوات ومقدسه للحياه الزوجيه واهتم بمعرفة اهتمامات الرجل وأقوم بها بأكمل وجه وبشهادته ومحافظه على نظافة البيت والطبخ واللبس والتنوع فيه وبلبس الدلع والحفلات الرومنسيه لكن هو للأسف كان في البدايه جاف وجاف جدا ومايهتم باللي البسه والا يذكره اساسا مع اني اتعمد بعد مااجي من مناسبه وعامله عند الكوفير اني ألبس لبس النوم المناسب مع لون المكياج واتفاجئ بعد ماأجهز نفسي انه نائم وأتحمل وأخمد جنبه,ولما أعمل له الحفلات الرومنسيه يتبسم ويعمل الواجب ثمن يلبس ويروح لأصحابه فاحس كأني أعرض نفسي عليه قلت يمكن اعملها بدري وصرت أاخرها لرجعته ولما يدجل ويشوف اني لابسه يتملل ويقول "يوه والله اني تعبان"والله كرهت ملابس الدلع لدرجة اني جمعتها وقلته برميها غيري محتاجها أكثر مني زعل وقتها وقال ماسمح لك تعطيها لاحد وتأسف وحاول انه يحسن وضعه وانا ماأشتكي من بروده فيالاشياءالخاصه بل أقصد العاطفه،المهم تعبت وتركت هذه الاشياء لمده طويله ايلا ان رزقنا بأبننا الثاني قلت يالله بأحول اعيشه في الأجواء اللي محتاجتها أكثر منه وكان أكثر من سبب لهذا الحتفال منها انهاء الدورة العسكريه ونجاحه في الدراسةفجمعت ماأقدرعليه رغم اني غير موظفه فحرمت نفسي من اشياء كثيره وحجزت له في فندق ومطل علحرم وقبلها عشاء في بوفيه مفتوح المهم اتفـاجئ وظن في البدايه انها مجرد عشاء ولماقلتله على الفندق زعل ورفض وقال ليش ماقلتيلي قلته مفاجاه رفضها وقال نتعشاء وبس وماله داعي هالمصاريف والمشكله بهد مارجعنا وداني لاهلي وراح للأستراحه أتخيلوا موقفي وانا راجعه لأهلي وهم عافين وين رايحه لان اولادي عندهم,وبعدها توبت من هالحركات لفتره طووووليه لدرجة انه هو يترجاني أرجع مثل قبل, لكن انا اتعودت او أمكن امثل اني اتعودت على هالحياه.
لكن في الفتره الأخيره أكثرت مشاكلنا حول خرجاته اليوميه للأستراحه و اللي حتى اهله ملاحظينها وكذلك بانه مايعوضنا في وقت فراغه الطوليه بالخرجات والترفيه حتى ولدي ياعين امه يقوله والله لكبرت انا اشتري سياره وامشي نفسي.وهو يحاول يتغير ويعتذر وبديت اتغاظى عنه الاانه عمل موقفين قسو قلبي عليه أولها أرسل قبل فتره رساله جميله نهايتها حبيبتي ممكن تعطيني من وقتك لو نصف ساعه اتسلى معاك
قريت الرساله وقمت وتجهزت وبعد مالبست اتصل وقال بروح لخالي تعبان قلت طيب مومشكله وصلني بطريقك لأمي جاء بعد المغرب وجلس معانا شوي وقال انه معزوم عند ولد عمه قلت مومشكله عادي اتصل بعدها الساعه 12 وقال تبغين شي بروح للأستراحه انا طارت جنوني وبينت اني زعلت قلتله بتروح بكيفك انا بجلس عند أمي ولارجع الا الساعه3 والله من القهر أخذت اربعه ايام ماأكلمه وبعدها جاء وتأسف وقال انه غلطان وياكثر مايقولها.
الموقف الثاني بينت له انه غلطان بانه مايخرجنا الابعد كلام وانا محتاجين له خصوصا انه ايام الاسبوع ينام بدري عشان العمل والاربعاءوالخميس سهر في الأستراحه ل3 بليل رغم انه يقول رجع لدخان عشان مايروح يومين للأستراحه والمعسل قال لي أبشري ولا يهمك هالأسبوع لأثبتك صدقي ومن هالخرابيط.ويوم الاربعاء وكنت اسولف معاه والامور ماشيه تمام المهم بعد العشاء قال تبغين شي بروح للأستراحه قلتله وين كلامك قال لاتكبرينها وراح وبعد زعل جاء يوم الخميس وقال جهزي نفسك بنطلع رفضت وباصرار لان هذي مذله مافي خرجات الا بعد كلام وان ضحكت معاه أعطاني ظهره وراح.والبارح مطنش ولا يكلمني ولما راح ينام قلته يأنا يلأستراحه في البدايه عصب ثم قال أختارك انتي و ابشري وحاول يراضيني ولكن انا مارضيت حتى قبل ليروح للعمل حاول يراضيني ماقدرت وراح وهو متضايق.
ومتاكده انه يحاول يتغير لكن المشكله اني ماني واثقه في كلامه ولا
مصدقته تعبت من الوعود اللي مالها أخر ااه ه والله تعبت
عفواً تم تعديل العنوان ليتضح المضمون
الإشراف
التعديل الأخير تم بواسطة cutiepie ; 18-08-2008 الساعة 07:52 AM
18-08-2008, 07:23 AM
ضوابط المشاركة
العرض الشجري