15-10-2008, 09:55 PM
|
المشاركة الأصلية كتبت بواسطة ربيع الحياه
السلام عليكم يا اختي الجميله زوجة احمد
اولا خضيتيني  شوفي طبعا انتي عارفه ان الشيطان بيفرح لما حد من اولاده الشياطين الشريرين ييجي يقوله انه فرق او خاصم بين زوجين  اكيد طبعا عارفه طيب ما بالك ان الزوجين دول هم أحمد وزوجة أحمد اللي ما شاء الله بيحبو بعض قوي ؟؟؟اكييد الشياطين هيتنافسو والعياذ بالله مين فيهم هيزعلكو من بعض علشان كده واحد فيهم هيقولك ايه ده هو احنا هنتجوز امتى انا زهقت  وأخوه التاني هيقولك خلي بالك من زوجك شوفيه البنات دلوقتي بقوا شاطرين والتالت هيقولك قومي اتخانقي معاه مش كفايه انك مستحمله وكمان مكلمكيش بقالو ساعه حبيبتي انا شايفه فيكي وسيله للصبر كل ما بكون مخنوقه بدخل عشان اقرأ كلامك بحس انه بلسم, حبيبتي انتي وأحمد مش بس زوجين انتو نصين يعني انتو حاجه واحده مينفعش نقول أحمد من غير زوجة احمد يعني متقلقيش اكيد النصيب هييجي ان شاء الله وساعتها هتكونوا أسعد اتنين لانكوا تعبتوا في زواجكم وحبكم وتعبتوا في كل قشايه في البيت. على فكره انا فهمت انك في كلية هندسه انا كمان مهندسه بس خلصت دراسه بقالي سنه ونص وقاعده في البيت مش لاقيه شغل وبحاول ادور على الاقل انتي لاقيه دراسه تشغلك لكن انا بقالي سنه ونص في الملل وتخيلي مفيش اي حاجه في حياتي غير زوجي (انا زيك في كل حاجه بس انا مش زوجة احمد  ) هو كان معايا في الكليه ودلوقتي هو اسبوع في الجيش واسبوع بيشتغل ومبشفهوش خالص فاكره لما قلتيلي جهزي نفسك واعمليله اكله بيحبها وهاتيلو هديه تخيلي عملت كل ده وفي الاخر تخيلي بطارية العربيه نامت منه في الطريق وكان كل الميكانيكيه قافلين وطبعا مجاش واضطريت اني اروحله بيته علشان ادي لمامته هديته وكحك العيد انا مش عايزه اطول عليكي بس انا هقولك على حاجه انا وزوجي في فترة الكليه والخطوبه كانت ورديه جدا ومفيهاش خناقات ابدا وفي رمضان كنا اجمل اتنين ومفيش خناقات ابدا اما بعد رمضان من ساعة ما خلص اتخانقنا حوالي خمس خناقات قويه جدا جدا ده معناه ان الشياطين هم السبب لان بجد خناقتنا كلها عكس طبيعتنا وتصرفاتنا لدرجة انه لاول مره من خمس سنين يتعصب ويقولي بطريقه غير مباشره اننا نسيب بعض وانا كنت بقوله كلام مش عارفه بقوله ازاي فعرفت انه الشيطان ومزعلتش منه لاني عارفاه جدا متزعليش وهوني على نفسك وقولي انا تعبت اوي في بيتي علشان ابنيه وباذن الله في الاخر هلاقي تمن تعبي حبيبتي طولت عليكي لكن ربنا معاكي يوفقك ويرزقك الذريه الصالحه امين |
| مواقع النشر |
| الكلمات الدليلية |
| اسلوبي, اصبح, جدا |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري