انا ماقلت لاهلي على طول ولا اشتكيت لهم بس هم اسئلوني انتي وش عندك بشغل البيت والبقيه من يشتغله بس انا مادريت انهم بيكبروا الموضوع على بالي انهم راح يشجعوني اني اخدم ام زوجي

وبصراحه تامه اروح الدوام وانا مو مركزه من التعب خصوصا اليوم بس تطلع المس من المحاضره تلقوني اكب راسي ع الطاوله والبنات يقولون وش اللي صاير عندك بس ماقلت لهم شي

انا حاسه اني بديت اهمل دراستي بس وش اسوي والله ما اقدر ولايهون علي اشوف ام زوجي تشتغل وانا جالسه

اشتغل للبيت بس غرفتي ما اشتغل فيها من التعب ام زوجي ماتقصر تقول لي روحي ارتاحي وانا اشتغل بس انا عارفه صحتها عندها القلب والشقيقه والديسك يعني مو زين لها الشغل الكثير وفي نفس الوقت ما ابي اشتكي لزوجي لانه هو تعبان بالغربه ومهموم من بعده لنا واروح ازيد عليه وما ابي اكون نكديه احاول اكون بعينه الزوجه المثاليه بس والله تعبت وجسمي والتقوس اللي بظهري زاد والالامه قويه مره وبليز ابي حل مع اخت زوجي ما ابي ادخل زوجي في الموضوع بما انه مو جالس معنا ولا يشوف اللي انا اشوفه