السلام عليكم ورحمة الله وبركاتة
يا اخواتى حبيت افتح معاكوا موضوع اكيد كلنا عندنا فكرة وبنسمع عنه اليومين دول
امس وانا بتفرج على احد القنوات لاقيت بنتين اخوات واحده محجبة والتانية بشعرها
المهم المحجبة كانت راكبة ميكروباص وبعدين وهى نازلة السواق عملها حركة مش كويسة(باللمس) هى اتضايقت ولما نزلت اخدت رقم العربية وذهبت لاقرب مرور واعطاتهم رقم العربية وحكت على اللى حصلها
الراجل بتاع المرور طلع كويس وجابلها السواق اللى عمل كدة وبعدين عمل مذكرة وكتب فيها انة تحرش بيها
وقالها اذهبى للقسم حالا ععلشان تاخدى حقك
كلمت اهلها فى البيت ملقتش حد غير اختها اللى بشعرها دى حكت لها وقالتلها انا فى القسم تعالى
اختها راحتلها ولما دخلوا القسم الظابط بيقلها اية اللى حصل فحكت له فلعن الدين وقالها(نعم ياروح امك)دة غير انة قالها الفاظ قبيحة جدا
فاختها اللى بشعرها بتقلة اختى مغلتطش فى حاجة السواق هو اللى غلطان اتنرفز حضرتة وضربها بالرجل وشدها من شعرها ورمى كباية شاى فى وشها هى قعدت تعيط وتقلة انت انسان زبالة المهم لبسوا البنت قضيتين سب وقذف وانها قطعت لبس الظابط
الحكاية لها تفاصيل كمان بس انا بختصر ع قد مااقدر


اللى عوزة اعرفة دلوفتى لية بقينا كدة ياترى العيب فعلا فى اللبس بس بجد وانا بشوف بعينى للبسة محترم او مش لابسة بتتعاكس بكل انواع المعاكسة
يمكن اللى لابسة محترم مش بنفس الدرجة بس اهو بيحصل وكمان الاطفال بقوا بيتحرشوا بيهم هما كمان
ياترى اية اللى حصل انا بجد بقيت بخاف ع نفسى اوى
انا والله بيبقى ورايا محاضرات متاخر شوية مش بحضرها من خوفى برضة
طب هل البنت غلطت لما راحت قسم البوليس؟
طب هى تعمل ايه دلوقتى
لو واحد اتعرضت لكدة المفروض انها تعمل ايه؟؟؟؟؟؟؟؟؟؟
انا خايفة اوى بجد
انا بقيت بمشى فى الشارع عينى فى وسط راسى
ببص حواليا خايفة من اى حاجة
ياريت اسمع ارئكوا وازاى نقدر نحمى نفسنا