شكرا لكم اخواني لكن لماذا اشعر بأنكم جميعا مصطنعون وتحاولون اظهار المثالية لأن واقعي الذي أعيش فيه يظهر عكس ذلك تماما

اختي اتكاءة حرف
ليست الأمر متعلق بالانفصال بحد ذاته لكن ان يحدث بعد سنوات طوال يشعرني بالاحراج و (الفشيله) وأرى نظرات الناس والعالم تلاحقني مابين ضاحك وشامت ولو حدث بالمعروف لكان أفضل وأستر لكن تخيلي أختي وضعي نفسك في موضع محايد
امي وأبي لم ينفصلا بهدوء بعد مشاجرات ومجادلات وشد ومد وتلاعن وتلاسن وشتم من نوع "طلقني انت مانت رجال" و "ارميلك الورقه على الصرمايه" أجلكم الله الى الضرب والشلاليت وشد شعور طبعا هذا كله أمام الناس والعالم واللي مايشتري يتفرج
المهم حدث الطلاق بعدها وياليت كل واحد ذهب لحال سبيله بل اصبحوا يتحدثون عن بعض في المجالس والمناسبات وفي كل فرصه مناسبه وغير مناسبه يشتمون بعض بأفظع الكلمات ويطلقون على بعض أبشع الأوصاف والله أمي طيبه وأبي حنون وليس فيهم مايقولون لكنه ابليس اعوذ بالله منه
تخيلي انك في مجلس نسائي أحاديث وسمر وقهوة وتشوفي وحده تقول أبو فلان فيه كذا وفيه كذا وفيه وفيه وفيه.... وكلام مثل "زمان لما كنت حامل بفلان(اخي الأكبر عمره33) ابو فلان فعل كذا وكذا وزمان قبل ما جيب فلانه(اختي الكبرى عمرها28) ابو فلان قال كذا وكذا وتتبعها بآآآه خسارة شبابي اللي ضاع مع رجال **** "شتيمه" كل هذا يحصل وانا موجوده بالقعدة الحلوه وجهي ألوان وأشكال
اما أبي العزيز فإنه يقرأ ويتثقف حتى يعرف كيف يرد على أمي وكيف يذلها أمام أهلها وجماعتها ولايتوانى بأن يتهمها بالصفات القبيحة وحتى أبي لايخلو من أحاديث الأبيض والأسود "زمان قبل ادخل المدرسة(بعد زواجهم بسنة) قالت ام فلان كذا وكذا" "وزمان قبل ننتقل الى البلدة الفلانية(قبل 16 سنه) عملت ام فلان كذا وكذا" وهكذا امي شغاله بمجلس النساء وأبي بمجلس الرجال لاتقولي لي بأنه لايهمك الموضوع وانو عادي والله ياأختي عيب وفشيلة وسواد وجه وانا متأكدة لن يخطبني أحد بالرغم ان امي وأبي طيبيييييين لدرجه كبيرة وأحبهم كثيرا لكن افعالهم عجبا!!!
اشعر ان الناس كلهم يتحدثون عنا ويتلامزون صرنا نكته والله
تخيلي وحده من الناس الفاضيه قالتلي سمعنا أمك انخطبت لواحد تاني وعرسها الشهر الجاي صحيح هذا الكلام؟ ثم اتبعتها بضحكه مكتومه قهرتني ليش الاستهزاء ورمي الكلام قلت لها وانا اغلي من الغضب "نعم الشهر الجاي عرسها ورح تنزف على قبرك ان شاء الله" يالله صرت شريرة من الضغوط وصرت مثل البنات الوقحات ارمي الكلام
يارب ساعدني