كالعادة الغيرة تقتلني انصحوني - منتدى عالم الأسرة والمجتمع

12-12-2008, 10:11 PM

#31

ربيع الحياه

عضو نشيط جدا

تاريخ التسجيل: Aug 2006

المشاركات: 786

ازيك يا قمر انتي اللي وحشاني والله بس انا كنت مسافره علشان اقضي العيد مع العائله وكنت سايبه زوجي هنا لوحده

بس عموما هو مش بردان

بس عيب طبعا امبارح قضينا اليوم كله مع بعض بعد ما رجعت من السفر

حبيبتي والله كل اللي انتي بتحسي بيه انا كمان بحسه خصوصا ان زوجي في شغله بيشوف بنات كتير ومره في واحده قالتله انها عايزه تتجوزه

بس بطريقه غير مباشره وانا طبعا كنت نااار لكن والله استحملت كان كل تفكيري اني خايفه انفعل وبعدين يبطل يحكيلي على اي حاجه تاني وفعلا مسكت نفسي لكن اللي خلاني اتضايقت قوي ان الموضوع ده كان يوم اخر خناقه معاه وكان وقتها مبيكلمنيش

وطبعا هو وقفها عند حدها بطريقه لطيفه

المهم يا حبيبتي احسن حل ليكي ان اول ما زوجك يحكيلك او يحصل اي موقف تغيري عليه حاولي تفتكري انه انتي بس اللي ماليه عينيه وانك زوجته اللي بيحبها وان هو انسان مخلص معاكي وكمان يقدر يتصرف كويس لوحده ويوقف الكل عند حده لكن بطريقه ذوق
وعلى فكره هو بيقولك كده لانه عايز يحس انك بتغيري عليه ولانه بيحب غيرتك عليه ولانه مبيقدرش يخبي حاجه عليكي يا جميل ومع مرور الوقت هتتعودي زيي صدقيني

اما بالنسبه لاصحابه فوالله كل الرجاله كده نفس الشيء لكن انتي طالما لا يضيع حقك معاه وليكي يوم بتخرجي معاه وتقضيه خلاص سيبيه يخرج وعلشان تصلحي الموضوع فهميه انك بتكوني مبسوطه لما بيكون مع اصحابه لانه بيكون مبسوطه ومتدخليش معاهم في سباق او مقارنه لان مفيش مقارنه بينك وبين اي حد لانك رقم واحد في حياته لكن انتي عارفه خروج الشباب بيكون فيه هبل شويه

وهم بيحبو الهبل ده

واوعي تقولي انه مش ملهوف عليكي والله انتي بتفكريني بنفسي قوي صدقيني انا بحس بنفس الاحساس لكن في الاخر بكتشف اني غلطانه لما بشوفه بيراضيني زي ما زوجك راضاكي, يالله ربنا يصبرنا عليهم بس اهم حاجه الحب طالما موجود مفيش مشكله ربنا يجمع بينكم على خير ويبعد عنكم وساوس الشيطان
بس عايزه اسالك سؤال انتي حاسه ان بعد عقدالقران المشاكل اكتر والا ايام الخطوبه

__________________

( إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ (35))

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 12:44 AM.

روابط سريعه