فعلا اختي شهد الموضوع منتشر جدا جدا
مواقف كتير مرت عليا ومشكلتي اني طيبة وبيصعبوا عليا لكن الحمد لله بدأت اتعلم ان مش كل حد اعطي له
يعني افتكر مرة كنت مسافرة قبل ما الباص يطلع لقيت واحدة متسولة بصراحة شكلها استغفر الله العظيم
ومع ذلك شابة و عندها صحة ما شاء الله كل الناس قالت لها ما تروحي تشتغلي انا لما شفتها علي طول حسيت انها كذابة شكلها لا يدعو للشفقة
تعرفي بعد شوية شفتها قاعدة في ركن بعيييد وبتشرب سجاير !!!!!!!!!
المهم بعدها بفترة كنت مسافرة برضة وبعدين لقيت واحدة منتقبة لكن مبهدلة خالص انا اول ما شفت عينيها علي طول عرفت ان هيه نفس الست اللي قبل كده ولبست نقاب علشان تصعب علي الناس
طبعا ما رضيتش اديها حاجة
موقف تاني اكتر غرابة
كنت انا وصديقة لي رايحين نتغدي في مطعم في الطريق لقينا واحد شاب محترم لابس كويس وباين عليه الانكسار
طبعا نادي علينا باستعطاف طبعا احنا ماشييين في حالنا بس استغربنا جدا منه
لقيناه مقرب علينا وقالنا بلهجة منكسرة جدا ان هوه مش من المدينة دي ومامته في المستشفي هنا بتعمل عملية وهوه كان جاي يزورها بس للاسف فلوسه كلها ضاعت منه وهوه مفيش معاه فلوس يروح بلده
وقالنا انا والله (لاحظي الحلف بالله ) مش بكذب انا سالت شاب دلوقتي كان هياخدني قسم الشرطة
والله حتي خدوا الساعة بتاعتي لو مش مصدقني
فانا طبعا عبيطة صعب عليا جدا جدا وبحسن نيه سألته انتي مواصلاتك لبلدكم تتكلف كام فقالي قمت اعطيتة ضعف المبلغ تقريبا ( مش بقوك انا عبيطة)
المهم انا فعلا كنت مصدقاه جدا
ومرت الايام وكنت انا وصديقتي برضه في نفس المكان المهم واحنا في العربية ولسه هنطلع انا وهية لقينا نفس الشاب ده جاي يقولنا نفس الاسطوانة طبعا هوه مش فاكرنا لكن احنا كنا فاكرينه كويس جدا
طبعا انا وصديقتي ما قدرناش ننطق من المفاجأة المهم هوه لما لقانا مش بنرد عليه مشي
انا كنت مذهولة من الموقف ان الكذب يوصل للدرجة دي
طبعا لو كان حد غيرنا كان اتخانق معاه وبهدله وعلي طول علي الشرطة
المشكلة ان فيه ناس بتبقي فعلا محتاجه للمساعدة
انا قلت احنا نعمل اللي علينا ودول جزاءهم عند الله (ربنا يحاسبهم لو كانوا كدابين)
المهم انها تحسب ليكي صدقة عند الله
__________________
اللهم بارك لي في زوجي وفي ابنتي واجعلها ذرية صالحة
05-01-2009, 12:47 PM
ضوابط المشاركة
العرض الشجري