السلام عليكم ورحمة الله وبركاته

اخواني واخواتي يعلم الله انكم المستنفس الوحيد لي لابوح بهمومي ومشاكلي


انا امرأة متزوجة وعندي بنت صار لي سنة متزوجة بس والحمدالله صابره على حياتي الزوجيه وما اعلم احد عن اللي يصير بس اذا طفح فيني الكيل الله يعيني


انا عندي مشكلة بزوجي زوجي عنده صفات حلوه كثير بس للأسف على قولته يمزح بس كلامه مره قوي

قوووي حييل وانا انقهر سواء عني او عن ابوي او عن اهلي لييييييش


وكل ما قال كلمه امزح امزح امزح وانا وش اسوي فكرت اني ارد عليه بنفس الكلام وشسوى فيني

مليت وانا اسكت لي متى ابيه يتعدل يتغير مافي فايدة لين قبل امس واحنا نبي نام عالفراش قاعده اسولف مع قلت له ترى خواتي يقولون ان الموضوع الفلاني كذا كذا وكذا حتى زوج اختي قال كذا


قام وسبهم كلهم

بس انا ما اسوي فيه كذا والله ليش يقهرني ويرفع ضغطي تعبت وانا ازعل وما يراضيني يقول عادي انتي دايم كذا ازعلي وارضي بروحك قلت له طيب انا زعلانه اليوم بس مو نفس كل مره وراح اظل زعلانه لي بكره واتمنى ما تكلمني ونمت
واشوفه يجي يبي يراضيني وانا اصده لين ثاني يوم الظهر قال وش فيك امس ترى ما قدرت انام وانتي بعيده عني قلت له شوف كلامك وتعرف ليه انا ما جيتك قال خلاااص خلاص ما اقول كذا بعد


ويرد يقوووووووووووووول والدعوه غشمره وضحك لا تزعلين اسبك واسب اهلك بس لا تزعلين ترى مزح


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا جماعه وش الحل