السلام عليكم ورحمة الله وبركاته

بصراحه هذي اول مشاركه لي وبفتتحها بطلب نصائحكم واقتراحاتكم لمشكلتي

بداية المشكله :

تزوجت قبل 8 سنوات وكنت بالبدايه سعيد يعني اول ثلاثة شهور وحمدت ربي على ذلك وكانت

زوجتي تحبني ومتعلقه فيني وانا كذلك اكن لها الحب والاحترام لكن للاسف لم يعجب اهلها( اخواتها ووالدتها)

ذلك وخاصة تعلقها فيني؟؟؟ وبحثوا وتدخلوا وصمدت زوجتي في البدايه لكن للاسف بعدها فتحت

المجال لهم وبدأت تطبق ما يطلب منها لعل كلامهم يكون هوا الصواب!!!!

عموما انا احسست بالخطر وبدأت اجلس معها وانصحها واتناقش معها لكن للاسف كان التأثير

الخارجي اقوى مني....... وبالنهايه طلقتها بعد ان استنفذت كل الطرق واعطائها الوقت الكافي لمراجعة الذات لكن بدون فائده .

لا احب الاطاله عليكم لكن احببت ان اوضح بعض النقاط قبل التطرق لمشكلتي الأصليه التي اعاني منها

الان وهي تكمن بأبطال ومسببين دمار حياتي الزوجيه السابقه:


مشكلتي الآن هي::::

انا الان متزوج من اربع سنوات والحمدلله سعيد جدا من جميع النواحي ولدي طفلين لكن للاسف

لدي ما يقلقني ويتعبني وهي انني لدي طفله من زوجتي السابقه عمرها الان ( خمس سنوات )

علما ان زوجتي السابقه ( معلمه ) وبنتي تعيش ظروف صعبه من الحرمان من الأمومه للاسف رغم

وجود امها ومهمله ولا احد يعتني فيها الا الجده لكن بأوقات قليله

انا غير مقصر معها وارسل لها مصروف شهري وبصراحه ( مصرف مبالغ فيه ) كله علشان تعيش بنتي

غير قاصر عليها اي شي من ملابس والعاب وترفيه لكن اقولها للاسف والله يشهد علي المبلغ الي

ارسله مدري وين يروح كل من شافها يشوفها بوضع مزري وملابس للاسف ما تصلح تكون عليها بالبيت

ما بالك عاد بالطلعات والناس اكلوا وجهي كل واحد يقوووول ليش ما تاخذ بنتك ما دام هذا وضعها

يعلم الله اني محتار وش السواه...... ادري بيطلع لي واحد يقول ما فيه احسن من الأم لبنتها لكن

للاسف بموضوعي انا لالالالالالا والدليل بنتي تنادي امها بأسمها غير ما لدي من معلومات عن حالها

وما ذكرته لكم من اهمال الأم..... ورغم تأكدي انها لو تعيش عندي وخاصه مع زوجتي الحاليه بتعيش

حياه ثانيه متأكد إن شاء الله انها تكون سعيده فيها تكون تحت عيني بدخلها مدرسه خاصه او حضانه تتعلم

فيها وبهتم فيها من جميع النواحي الترفيه واللبس وكل شي ومتأكد والله انها بتكون افضل من حالتها عند

امها.... ويعلم الله اني ما لي اي هدف انو احرمها من امها ولو كنت اعرف ان امها مهتمه فيها بس لو

نقول 50% مو 100% كان ما طرا علي بالي اني اخذها


اخواني اعرف اني اطلت عليكم لكن وش اسوي والله من ما فيني من تعب وقلق وما اشوفه من

حرمان واهمال بعيون بنتي ويعلم الله اني قبل يوم شفتها اني بكيت يوم شف منظرها


ابغى ما تبخلوا علي بنصائحكم واقتراحاتكم والله يوفق الجميع