زوجتي تريد الطلاق وانا موافق هل ما افعله صحيح ؟ ( حُلت و الحمدلله )
السلام عليكم ورحمة الله ,أولا احب ان اشيد بهذا المنتدى الجميل والأعضاء المميزون ,في الحقيقة مشكلتة زواجي معقدة ومتشابكة بداية الزواج كانت عن طريق الوالدة شافت بنت من الأقارب البعيدين واعجبت في جمالها وأخلاقها وشفت البنت شرعيا بعد خطبتها وجازت لي وتمم الله بخير(زواج تقليدي) وفي البداية كان بيننا تفاهم كبير تحول لحب من الطرفين وكانت طالبة ووقفت معها وساندتها حتى تخرجت وانا موظف بمركز مرموق بجهة حكومية هامة ودخلي ممتاز المهم رزقنا ببنوتة بعد سنة من الزواج وسمحت لها تولد عند أهلها (في مدينة تبعد عننا حوالي 1000كم ) وما قدرت اكون بجنبها يوم ولادتها لظروف العمل مع العلم انها هي اللي طلبت تولد عند اهلها وحاولت اقنعها تبقى عندي وتجي امها او امي لكن رفضت بعد فترة شهرين رجعت لي وهي متغيرة وكانت زعلانة لاني ما جيت يوم ولادتها مع اني سافرت لها طيران بعد الولادة ب5 ايام واهلي قامو بالواجب ثم راضيتها وجبت لها كل اللي بخاطرها ودلعتها وجبت لها شغالة ومجوهرات وعينك ما تشوف الا النور مرت الأيام بسلام وعدت سنتين حلوة بدون مشاكل لكن جت الطامة الكبرى في احدى الاجازات اللي قضيناها عند أهلي وصار خلاف بين زوجتي وبين اخواتي وصل للسب والتجريح وهم ما كانو يحبون بعض من الأول وانا كنت غير موجود بالبيت المهم جيت وقالت لي ودني بيت اهلي قلت لها الموضوع ما يستاهل انا والوالد نصلح الأمور بينكم وخلنا خواتي يعتذرون لها المهم استمرت على رأيها ووديتها عند أهلها وبقيت فترة 3 أسابيع ما تكلمني وانابعد طنشت ثم جيت لم ابوها ووضحت له الموضوع وراضانا ببعضنا ومشت سنة تمام لكن اسمرت من وقت للثاني تعكنن مزاجي بسبب المواضيع اللي راحت وسالفتها مع أخواتي ما راحت من بالها وتحملني مسئولية جرأتهم عليها رغم انهم اعتذروا والموضوع تقفل له سنة لكن تبعاته ما انتهت وكل فترة لازم نقاش عن هذي المواضيع الين طفشت وهددتها بالطلاق ان جابت ذ السيرة لكن استمرت تعاندني ووصلت بيننا لعدم الاحترام وسبتني وسبيتها ولعنتها هي وأهلها ووديتها بيت ابوها وصار بيننا نقاش حاد وغسلت شراعه هو بعد لأني وصلت حدي وهي الأن لها شهر والله مو رادني اطلقها الا حبي لها والبنية اللي بيننا وطلب الوالد اني ما استعجل بالطلاق وش الحل مع العلم انها تتعاج نفسيا لها شهرين بمعرفتي حسب طلبها والوالد كلم ابوها وطلب حل الموضوع لكن ابوها طلب فرصة لتهدئة الأمور وطلب تركها عنهم فترة عاد مدري اطلقها ولا ما العمل ؟
عفواً تم تعديل العنوان ليتضح المضمون
الإشراف
التعديل الأخير تم بواسطة cutiepie ; 17-02-2009 الساعة 10:25 PM
03-02-2009, 07:19 PM
ضوابط المشاركة
العرض الشجري