زوجي يبغى يسمي بنتنا باسمي اذا الله اراد ورزقنا ببنت مستقبلا..

والسبب انه من يوم وهو صغير كان عاجبه اسمي وقرر انه يسميه لبنته

وتفاجأ بعدين لما خطبني انه اسمي هو الاسم اللي كان يتمنى يسميه لبنته هههههههه

شوفي الصدفه..

فاعتقد انه عادي..

بس تعرفي انا احب انه يكون كل شخص فريد باسمه يعني ماحب تكرار الاسماء..

ابني اضطرينا نسميه على اسم ابو زوجي بناء على رغبته وطبعا اخوان زوجي كمان مسمين على اسمه لذلك احس انه ابني ضاع بينهم ولما يتكلمو عنه لازم يقولو اسمه واسم ابوه يعني يقولو ( عبدالله محمد) مثلا عشان يفرقوه عن ابن عمه اللي اسمه ( عبدالله عبدالرحمن) وهكذا..

اخواني الاولاد ابوي سماهم اسماء فريده يعني مش مكرره ببالعايله الان احس انه بس ينذكر اسمهم بينعرفو هما مين مو لازم يقولو فلان ابن مين؟؟ عشان يميزو..

طولت عليكي بس لانه بجد تكرار الاسماء كثير يضايقني مبارك عليك البنوته الله يجعلها من عباد الله الصالحين..

__________________