ذبحتني المقارنة بين طليقتي وزوجتي الحالية هل انا مخطيء ؟ (حُلت و الحمدلله ) - منتدى عالم الأسرة والمجتمع
logo

الملاحظات

المشاكل المحلولة المشاكل التي حلها أعضاء المنتدى

 
أدوات الموضوع
انواع عرض الموضوع
قديم 14-02-2009, 12:15 PM
  #11
حب مفقود
قلم وفي
تاريخ التسجيل: Jun 2008
المشاركات: 347
حب مفقود غير متصل  
اقتباس:
المشاركة الأصلية كتبت بواسطة apple-green مشاهدة المشاركة
انت شكلك ماتحب الحريم ..
الاولى قلت وعدت فيها لين شبعت ...واللحين صار هي هي احسن من الثانيه ...
طيب باعترافك هي ماقصرت بشي خادمتك ومريحتك وقايمة بواجباتها ...
ومن ناحية االشكل اكيد انت شايفها يوم الشوفه ... طيب يوم جمالها ماعجبك ليه وافقت ؟؟؟
اما من ناحية الرومنسيه ... فمالي الا رد وااااااحد وهو (((( فاقد الشئ لايعطيه )))) استحاله تعطيك شي هي ماحست فيه ولاعرفته في حياتها ...
خاف الله في نفسك قبل لاتخافه فيها ... انت قاعد تحطم حياتك ... بالله عليك من بياخذك ؟؟؟ مطلق مرتين وبدون سبب مقنع... اللحين لوفي اسباب الناس مايعطون بناتهم مطلق وشلون اذا هالرجال يطلق على الفاضي ؟؟؟
طيب بالله عليك لوعندك بنت اواخت وجاها واحد زيك .. هل بتزوجه ؟؟؟
يااخي انت تدور زوجه مثاليه ... ابشرك لوتدور العالم ماتلقاها لان محد كامل ابد ...
وبعدين لاتشوف نفسك الكامل ربما هي بعد صابرة موعشان سواد عيونك لكن عشان تفاهات اجتماعيه انت غافل عنها ... مع ان الحق معها وانت تطلقت بيرحمونها لان بيقولون انك انسان متعود ...
وبعدين ولدك المسكين وش ذنبه ... شكلك موحاطه بحساباتك ابد ... لماتتزوج كل ... كيف بتامن له مستقبله وانت لاهي بمصاريف زواجك ..
ااااخر شي اامنك بالله اذا انت ماتبيها ومصر على رايك خلاص لاتستنى لين تحمل ويكون غي ضحيه رابعه لك ...حرام بنات الناس مولعبه ...
باناقشك نقطه نقطه

اقتباس:
انت شكلك ماتحب الحريم ..
احد مايحب الحريم ؟؟؟

وش فلس فينا وضيعنا غيرهن ... بالعكس متعة الحياة المرأه الصالحة .


بس السؤال هنيه وين المرأه الصالحة والتي تقدس الحياة الزوجية وتجد فيها المواصفات التي تبحث عنها . ؟؟


اقتباس:
الاولى قلت وعدت فيها لين شبعت ...واللحين صار هي هي احسن من الثانيه ...
احسن من الثانية كجمال وخفة روح ولا الثانية ثقيلة دم والله ماحبيتها ولا هضمتها لله في الله احس ان حياتي معها مسخرة بكل ماتعني الكلمة من معنى .

اقتباس:
طيب باعترافك هي ماقصرت بشي خادمتك ومريحتك وقايمة بواجباتها ...
ماخترعت شي جديد ...كل النساء خلقن لخدمة الزوج هذي واجباتها كزوجة ...مثل واجبي بحمايتها وتامين السكن والنفقة يفترض ان تبادلني نفس الحس بالمسؤولية .

الزواج مؤسسة شراكة كلا يعمل بحسب دوره ...مافيها الدعوة منه او شكر او فضل ..!!!



اقتباس:
يااخي انت تدور زوجه مثاليه ... ابشرك لوتدور العالم ماتلقاها لان محد كامل ابد ...

طيب حتى لو كانت مش كاملة يمكن بس حبي لها يشفعلها ان اتغاضى عن جوانب النقص والعيوب فيها ...!


الحب كفيل باستمرار الحياة الزوجية ...

تخيل انك تتوه بعيونها و بجمال وجهها الملائكي هذي ماتكفيك ان تتغاضى وتكمل حياتك .


تخيل انك وانت بجانبها مشتاق ... مغرم ...


والله فعلا الحب اكبر اسباب نجاح اي زواج والله العظيم .



اقتباس:
اما من ناحية الرومنسيه ... فمالي الا رد وااااااحد وهو (((( فاقد الشئ لايعطيه )))) استحاله تعطيك شي هي ماحست فيه ولاعرفته في حياتها ...
الثانية دفشة وماعندها سالفة بالرومانسية ...مانكر هي المسكينة تحاول بالرومانسية وتتصنع بس مش لابق عليها والله ...ماعندها سالفة .


اقتباس:
بالله عليك من بياخذك ؟؟؟ مطلق مرتين وبدون سبب مقنع... اللحين لوفي اسباب الناس مايعطون بناتهم مطلق وشلون اذا هالرجال يطلق على الفاضي ؟؟؟
وهذا اللي راح يجبرني جبر ارتبط من الخارج ... هو فعلا حلاة الثوب رقعته منه وفيه ...بس الظروف الي تجبرك تخليك ترتبط من الخارج .

على فكرة احد اصدقائي مرتبط بجنسية عربية ( مسيحية ايضا ) ومتيم بها واستطاع اقناعها بعد الزواج بالاسلام ونجح في ذلك وهو الان سعيد معها اكبر مني بالعمر بس والله تحسه توه شباب ( هو ايضا مطلق سابق ) وعايش حياته بكل ماتعنيه الكلمة من معنى .

الاسلام لا يمنعك من الزواج بمسلمة حتى وان كانت من غير موطنك ... وحتى وان كانت كتابية فيباح للرجل المسلم الارتباط بها بعكس المرأه المسلمة لا يباح الارتباط لها الا بالرجل المسلم فقط وذلك لحكمة ان الاولاد على دين ابيهم .


طبعا ماراح تخلص من نقنقة الحريم وفراغ المجتمع النسائي المحلي ( ليش فلان ارتبط باجنبية واكيد ماهو صاحي واكيد ماحد قبل فيه ويحطون فيك اللي مو فيك ... وتكون تسلايه و موضوع ساخن و ممتع لمجتمعنا النسائي .... عافانا الله واياكم ) .


اقتباس:
وبعدين لاتشوف نفسك الكامل ربما هي بعد صابرة موعشان سواد عيونك لكن عشان تفاهات اجتماعيه انت غافل عنها ... مع ان الحق معها وانت تطلقت بيرحمونها لان بيقولون انك انسان متعود ...

اكرام النفس هواها .... بغت الطلاق بتاخذه وباحسان بعد الله لا يردها اذا بغته بيجيها باسرع مما تتصور و اللي مايبينا مانبيه والله .
 

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:04 AM.


images