السلام عليكم جميعا

داخله على الله ثم عليكم تنصحوني كيف اتصرف مع هالموقف ........المشكله بكل بساطه كنت جالسه انا وزوجي نتحدث او بالاحرى كان يسألني ليش انتي متضايقه هاليومين مو على بعضك فجاوبته اني ماله من الدنيا وما فيها ...يعني انا صارلي يومين نفسيتي زفت وما اعرف ليش ...

المهم وسالفه تجر سالفه وصلنا لموضوع الراتب هالشهر ووين انصرف ....طبعا انا صارلي 3 شهور ما اخذ منه مصروفي الشخصي لانه والحمد لله اشترينا بيت في بلدي بس نص المبلغ بالدين وبدينا نسدد الديون من الراتب طبعا حيث لا دخل سواه ......وعلشان هذاالشي انا مقدره وما طلبت منه لانه مضغوط جدااااا

جا اليوم يقولي اني بعثت لاهلي ما يقارب 400 دولار ......انا طول عمري ما كتله ليش تبعث لاهلك لانه مش من حقي امنعه ....في حال احنا مرتاحين والحمد لله ......بس انه احنا نكون مضغوطين ماديا ....واقصر على نفسي وبناتي في سبيل نسدد الديون في اقرب وقت ممكن ...وهما اهله يدرون كيف هو تعبان في سداد البيت ........

انا ما قلت له لا تبعثلهم كل اللي طلبته انه يقلل المبلغ للنصف فقط ...يعني هو شهريا يبعث 300 دولار يعني يخليها 150 ما فيها شي وانا متأكده اهله راح يقدرون ويعرفون السبب .....والله والبيت شاريه هو علشان هما ينتقلوا فيه على اساس اوسع وفي منطقه احسن من منطقه بيت اهله

تعرفون شنو كالي ...........كالي انا عندي استعداد اطلقك وابعثك بيت اهلك بس ما اقصر على اهلي

!!!!!!!!!!!!!!!!!!!!!!!!!!!!!!!!!!!!!!!!!!!

بصراحه انصدمت ..........وبكيت من وقع الكلمه علي ..........معقوله ؟؟؟انا لا شي عنده ...

وقالي حتى مصروفك بعد ما في ؟؟؟؟؟؟؟تخيلوا .......والله ما اعرف كلما اقول بيني وبين نفسي اني اروح اعتذر تجي هالكلمه ببالي واتراجع ....ما اعرف شنو اكتب بعد

اريد رأيكم وبكل صراحه هل استحق منه هذا ؟؟؟؟

ارشدوني يا اهل الخبره

تم تعديل العنوان ليناسب القسم/الاشراف